„ჩემმა გუნდმა როცა წააგო, მეორე დილით ადრე, ავდექი და 81 კილოიანი სიმძიმეებით ვივარჯიშე“
ტელეწამყვანი ეკო ფანგანი, თბილისში ერთ-ერთ ულამაზეს მანდილოსნად ითვლება. ეკო „დღის შოუს“ ეთერიდან მაყურებელს, თავის მოვლასთან დაკავშირებულ რჩევებს სისტემატიურად აძლევს. ბოლო დროს ეკო ვარჯიშმა გაიტაცა, რაც მის გარეგნობაზე კიდევ უფრო უკეთესად აისახა. ტელეწამყვანი „მიუზიკ ბოქსს“ ესაუბრა:
– ეკო, რატომ გადაწყვიტეთ აქტიურად ჩართვა ჯანსაღის ცხოვრების სტილში?
– ჩემი სამსახურიდან გამომდინარე საზოგადოებას მუდმივად ვაძლევ რჩევებს ჯანსაღი ცხოვრების წესისა და თავის მოვლასთან დაკავშირებით. სხვადასხვა კლინიკებიდან ხშირად მაქვს სიუჟეტები, მაგრამ ყველა პროცედურას თავად არ ვიტარებ. იმიტომ რომ ბევრი ნემსებიც არ არის სასარგებლო ადამიანისთვის. რაც შეეხება ვარჯიშს, სულ მინდოდა ვარჯიშის დაწყება, მაგრამ ყოველთვის მეზარებოდა. ზაფხულში ჯერ იოგაზე დავიწყე სიარული, შემდეგ ფიტნესზე, კვირაში სამჯერ იოგაზე დავდიოდი, სამჯერ ფიტნსზე და ეს კომბინაცია ძალიან ეფექტური აღმოჩნდა. მიღწევებიც აღმომაჩნდა და ამის გამო უფრო მეტი სტიმულით დავიწყე ვარჯიში. მერე ზაფხული მოვიდა წავედი დასასვენებლად და დეკემბრიდან ისევ გავაგრძელე. მინდა იოგაზეც ვიარო, მაისორის სტილის ვარჯიშებზე დავდიოდი, მაგრამ სამსახურის გრაფიკიდან გამომდინარე, ჯერჯერობით ვერ მოვხვდი იოგის ამ ჯგუფში.
– ყველას ვურჩევ დაიწყოს აქტიური ცხოვრების წესით ცხოვრება. მე გასახდომად არ დამიწყია ვარჯიში. ბევრ რამეში მეხმარება ეს, სისხლი სხვანაირად მოძრაობს ორგანიზმში და სხვანაირ ტონუსში ვარ.
– პირადი მწვრთნელი გყავთ?
– კი, მყავს პირადი მწვრთნელი, ჩემი მეგობარი ოთო გვარაძე და გიორგი. ოთო სულ მეუბნებოდა ვარჯიში დაიწყეო. როცა პირველად იწყებ ვარჯიშს, ჯობია პროფესიონალის მეთვალყურეობის ქვეშ გააკეთო ყველაფერი, რადგან წინააღმდეგ შემთხვევაში ტრავმების რისკი ძალიან მაღალია. ვარჯიშით სწრაფი შედეგის მიღება შეუძლებელია, მაგრამ როცა მწვრთნელს აუხსნი, რისთვის გინდა ვარჯიში, აუცილებლად მიიღებ სასურველ შედეგს. ფორმებზეც აისახება ვარჯიში, არის კუნთის მოსამატებელი და გამოსაშრობი ვარჯიშები. რასაც სპორტული კვება სჭირდება და მე ვერ ვიცავ. თუ გავხმები არ ვიცი, მე კუნთის გამოშრობა ნამდვილად არ მჭირდება.
– დიდ წონებში ვარჯიშობ?
– საკმაოდ დიდ წონებში ვვარჯიშობ. მითუმეტეს ჩემს წონასთან შედარებით. როგორც იცით, მე იტალიის ნაკრების დიდი გულშემატკივარი ვარ, ზაფხულში ჩემმა გუნდმა როცა წააგო, მეორე დილით ადრე, ავდექი და 81 კილოიანი სიმძიმეებით ვივარჯიშე.
– რა რჩევებს მისცემთ მანდილოსნებს?
– სახის კანს როგორ უვლით?
– განსაკუთრებულს არაფერს ვაკეთებ. აუცილებელია ყოველ საღამოს სახის კარგად დაბანა, რადგან ძილის დროს, სახის კანი ყველაფერს იწოვს. თმის მოვლას რაც შეეხება, სპეციალური შამპუნით ვიბან, რომელიც მის მოცულობას ზრდის.