ფოტოზე, 31 წლის კეტი პერი ველოსიპედზე ზის და საფრანგეთის ერთერთი სოფლის ბუნებით ტკბება. მას მზის სათვალე, თეთრი კედები და უბრალო, თუმცა ძალიან მოხდენილი კაბა ამშვენებს, ფოტოზე მთავარი დეტალი სწორედ მისი კაბაა, რომელიც საჯდომთან, შემთხვევით, ან სულაც შეგნებულად არის აკეცილი, თანაც ისე რომ საცვალსაც კი აჩენს. არადა რა დამთხვევაა, რომ ფოტოგრაფმაც სწორედ მაშინ “გაისროლა“, როცა კაბა აფრიალდა.
როგორც ჩანს კეტი პერი და მისი ბოიფრენდი, ცნობილი მსახიობი ორლანდო ბლუმი, იტალიასა და საფრანგეთში გაპარვის შემდეგ სრულ თავისუფლებას გრძნობენ. 1 კვირის წინ, კუნძულ სარდინიაზე, კარიბის ზღვის მეკობრეების 39 წლის მსახიობმა, სერფინგზე სრულად გაშიშვლება გადაწყვიტა, მისმა მეწყვილემ კეტი პერიმ კი ბიკინით ყოფნა ამჯობინა. ბლუმის გაშიშვლებას დიდი გამოხმაურება მოჰყვა. ცხადია პრესაში მისი ფოტოები ცენზურით გამოქვეყნდა. თუმცა ტვიტერის მომხმარებლების კრეატიულობა, გაცილებით შორს წავიდა, რადგან მათ ბლუმის მუხლზე ასახულ ჩრდილზე, უამრავი სახალისო კომენტარი გამოაცხვეს.
