სოფო ბედია 21 იანვარს იუბილარი გახლდათ. მან მეგობრებისა და ოჯახის წევრების გარემოცვაში, ვიწრო წრეში, ქალაქგარეთ აღნიშნა საკუთარი დაბადების დღე, რომელიც ძალიან უყვარს. იუბილარს თამარ ყვავაძის ჟოლოსფერი კაბა ეცვა, რომელთანაც ხშირად თანამშრომლობს სასაცენო კოსტიუმებთან დაკავშირებით. „მთელი საღამო არ გავჩერებულვარ და არ დავმჯდარვარ. გამთენიას დავიშალეთ… მინი სოლოკონცერტივით ჩავატარე… “ – აღნიშნავს fortuna.ge-სთან საუბრისას მომღერალი, რომელიც არც ასაკს მალავს და თავს შესანიშნავად გრძნობს.
ამბობენ, რომ ქალს ასაკს არ ეკითხებიან…
რატომ? მე არ ვმალავ, 41 წლის გავხდი.
როგორია შეგრძნება, როცა 40-ს უკვე გადააბიჯე?
ასაკის შეგრძნებასთან ერთად, თავიდან 4-იანის ცოტა მეშინოდა, როცა შარშან 40 წლის გავხდი. მაინც არ არის სასიამოვნო, პირველად რომ გადააბიჯებ სამიანს, მაგრამ პირიქით, უფრო შემართებით და უფრო ახალგაზრდულად ვარ. რაც ასაკი მემატება, კონიაკივით ვარ, უკეთესი ვხდები, ვძველდები. ეს, რა თქმა უნდა, ხუმრობით. მთავარია, ენერგიული და პროდუქტიული, შემოქმედებითი და ჯანმრთელი ვიყო. მიზანდასახული ისედაც ვარ და ეს თვისება ჩემში არ იცვლება.
