ანრი ჯოხაძის და, მომღერალი მაგდა ჯოხაძე ახლახან ბებია გახდა.
ოჯახი ბავშვის დაბადებას მოგვიანებით ელოდა, მაგრამ პატარა აღდგომის დღესასწაულზე ნაჩქარევად მოევლინა ამ ქვეყანას.
მაგდა ჯოხაძე თავისი პირადი ბედნიერების ამბავს ჟურნალ „თბილისელებს“ უზიარებს, თუმცა იმ სირთულეების შესახებაც ჰყვება, რაც ბავშვის დაბადებას ახლდა თან:
„მის დაბადებას მაისის 25 რიცხვისთვის ველოდებოდით, მაგრამ პატარა კაცმაცუნამ არ ისურვა მხოლოდ ოჯახის სადღესასწაულოდ მოვლენა და ინება მთელი მართლმადიდებელი სამყარო რომ ზეიმობს, იმ დღეს მოვლენილიყო ამქვეყნად. თვენახევრით ადრე დაიბადა, პაწაწუნა, მაგრამ ჯანღონით სავსე ბიჭია. უფალს მადლობა ჩემი შვილისა და შვილიშვილის გადარჩენისთვის. უფლის წყალობაა, რომ ისინი კარგად არიან და ზაალ კოჭლამაზიშვილის, რომელმაც მარის საკეისრო კვეთა ჩაუტარა. რომ არა ზეკვალიფიციური ექიმი, ბატონი ზაალი, შეიძლება, ყველაფერი ცუდად დამთავრებულიყო, იმიტომ, რომ მარიკუნა რეზუს უარყოფითია და იყო საშიშროების რისკი. ეს იყო წამიერად მისწრებული და გადარჩენილი სიცოცხლე, დედისთვისაც და შვილისთვისაც. ესეც ღმერთის წყალობაა, რომ ზაალი ჩემი ოჯახის ახლობელი და ძმობილია, მთელი ორსულობის პერიოდში მარის ზედამხედველობდა და წამებში მივასწარით, რომ ნაყოფსა და დედას საფრთხე არ შეჰქმნოდა“, – ამბობს მაგდა ჯოხაძე ჟურნალ „თბილისელებთან“