ცნობილი გახდა, რომ მოდის სახლი “ბალენსიაგა“ ქართველი დიზაინერის, დემნა გვასალიას პირველ კოლექციას 22 ივნისს, პარიზის მოდის კვირეულის ფარგლებში აჩვენებს. ეს იქნება ბრენდის არსებობის 99 წლიან ისტორიაში პირველი კოლექცია მამაკაცებისთვის.
ჯერ კიდევ ერთი თვის წინ დემნა გვასალიამ განაცხადა, რომ მამაკაცის ხაზით აპირებდა მუშაობას და საკუთარ კოლექციას პარიზის მოდის კვირეულზე წარადგენდა. ეს იქნება გაზაფხულ-ზაფხულის 2017 წლის კოლექცია, რომელსაც მაყურებელი 22 ივნისს შეაფასებს.