დათო გომართელი გადაღებაზე Innova Cafe-ში თავის ქალიშვილთან, დაშასთან ერთად გვესტუმრა. დაშა ძალიან ცნობისმოყვარე და კონტაქტური გოგონა აღმოჩნდა, კარგად დაათვალიერა კაფის ყველა ადგილი, ეზოშიც გაიხედა, ციყვის დანახვაზე კი გახარებულმა გვაუწყა, რომ სურს, “ცხოველების ექიმი“ გამოვიდეს…
ფოტოსესიის შემდეგ დათოს მამა-შვილობის შესახებ დავუსვით შეკითხვები…
რა დროს ატარებთ ბავშვთან და როგორი მამა ხართ?
დღის პერიოდში სკოლაშია სამ საათამდე, მერე კი ყველანაირად ვცდილობ, დრო ერთად გავატაროთ. ვეხმარები მეცადინეობაში, ვსწავლობთ ქართულს. ხშირად ვთამაშობთ, უყვარს ჭადრაკი.
ასე გვითხრა, რომ ვეტერინარობა სურს…