საბავშვო მუსიკალური პროექტი „რანინა“ მორიგი, 22 აპრილის ტურის ანონსს ავრცელებს.
როგორც ვიდეორგოლიდან ირკვევა, ქართული ფოლკლორის ტურში, პროექტის მონაწილე ანაროზა გაფრინდაშვილი „შავნაბადასთან“ ერთად შეასრულებს მაცაცო სებისკვერაძის სიმღერას „მინდვრად დაგიჭერ პეპელას“.
მოგიყვებით ჩემი დათო მასწავლებლის პირველ გაცნობას. დათო მასწავლებელმა დამიძახა, რომ მემღერა ის, რაც დამავალა. ვიმღერე და დათო მასწავლებელი მეუბნება, „სახით ნუ მეთამაშები, ანაროზა“, დავდიოდი სახლში და სულ ამას ვიმეორებდი „სახით ნუ მეთამაშები, ანაროზა“, – ამბობს ანაროზა გაფრინდაშვილი.
პატარა „რანინელზე“ საუბრობს პროექტის პედაგოგი, ანსამბლ „შავნაბადას“ ხელმძღვანელი დათო ცინცაძეც:
„რადგან ტექსტი იყო „მინდვრად დაგიჭერ პეპელას“, რაც შეიძლებოდა გაინაზა და გაიპრანჭა, მოკლედ, ეს ძალიან პატარა ბავშვი ძალიან საყვარელი და სასაცილოა, სცენაზე რომ ნახავთ, უფრო მეტს იტყვის თვითონ, ვიდრე ახლა მე შემიძლია დავახასიათო“, – ამბობს დათო ცინცაძე ანაროზა გაფრინდაშვილზე.