ნანა ექვთიმიშვილისა და სიმონ გროსის დრამა “ჩემი ბედნიერი ოჯახი” საერთაშორისო აღიარების შემდეგ ქართული პრემიერისთვის ემზადება

ოჯახი, რომელიც თითოეული ადამიანის ცხოვრების მნიშვნელოვანი და განუყოფელი ნაწილია. გარემო, სადაც ადამიანები ურთიერთობის გარკვეულ წესებს აყალიბებენ და ამით მისი სრულყოფილი სახის შექმნას ცდილობენ. სწორედ ქართულ ოჯახურ თანაცხოვრებაზე მოგვითხრობს რეჟისორების, ნანა ექვთიმიშვილისა და სიმონ გროსის დრამა “ჩემი ბედნიერი ოჯახი”. სიუჟეტი სამი თაობის წარმომადგენელთა შესახებ, რომლებიც ერთ ჭერქვეშ ცხოვრობენ და ცხოვრებისეულ სირთულეებსა თუ ადამიანურ გრძნობებს გვიჩვენებენ. ფილმის პრემიერა 2017 წლის 22 იანვარს საერთაშორისო კინოფესტივალის, “სანდენსის” ფარგლებში გაიმართა, სადაც ფილმმა კრიტიკოსების მაღალი შეფასება დაიმსახურა.