ახალი ქართული დრამა “ჩემი ბედნიერი ოჯახის” ჩვენება მედიის წარმომადგენლებისთვის

სიუჟეტი სამი თაობის წარმომადგენელთა შესახებ, რომლებიც ერთ ჭერქვეშ ცხოვრობენ და ცხოვრებისეულ სირთულეებსა თუ ადამიანურ გრძნობებს გვიჩვენებენ. “ჩემი ბედნიერი ოჯახი” – ასე ჰქვია რეჟისორების, ნანა ექვთიმიშვილისა და სიმონ გროსის ახალ ნამუშევარს, რომლის პრემიერაც 2017 წლის 22 იანვარს საერთაშორისო კინოფესტივალის, “სენდენსის” ფარგლებში გაიმართა, სადაც ფილმმა კრიტიკოსების მაღალი შეფასება დაიმსახურა. ამჯერად ქართული პრემიერისთვის ემზადება, რომელიც 28 სექტემბერს გაიმართება, თუმცა მანამდე დახურული კინო ჩვენება მოეწყო მედიის წარმომადგენლებისთვის, სადაც ასევე პრესკონფერენციაც ჩატარდება.