„რაინდები ფშავ-ხევსურეთიდან“ – ანდრო სემეიკოს გამოფენა და ისპირაციად ქცეული ვაჟა-ფშაველას ცხვირსახოცი

უბრალო სამოსელში გამოწყობილი მთის შვილი, გენიოსი, რომელმაც დაგვანახა თუ როგორია თავისუფლება მთებში, როდესაც ამ თემაზე ვსაუბრობთ პირველ რიგში სხვა თუ არა ვინ ვაჟა-ფშაველა გვახსენდება. მისი ცხოვრება და შემოქმედება გზავნილია საქართველოსა და მსოფლიოს შორის. და სწორედ ამიტომ ქართული ლიტერატურის სახელმწიფო მუზეუმში ანდრო სემეიკოს გამოფენა „რაინდები ფშავ-ხევსურეთიდან“ გაიმართა. გამოფენა შექმნილია მწერალ ანა კორძაია-სამადაშვილთან და დიზაინერ მანანა ანთელიძესთან თანამშრომლობით. პროექტი განიხილავს ვაჟა-ფშაველას ცხოვრებასა და შემოქმედებას, როგორც მნიშვნელოვან გზავნილს საქართველოსა და მსოფლიოსთვის სოციალურ და პოლიტიკურ ასპექტებთან დაკავშირებით.