იმედია ყველა ვთანხმდებით, რომ შეზღუდული შესაძლებლობები არ არსებობს და ის არა საკუთრივ ჩვენი რესურსებიდან, არამედ გარემოსგან მომდინარეობს, რითაც არა მხოლოდ შშმ პირთა თემი, არამედ მთლიანი საზოგადოება ზარალდება. სოციალური ინტეგრაციის ერთ-ერთი მთავარი ხელისშემშლელი პირობა კი სტერეოტიპები, ირგვლივ მყოფთა ნეგატიური დამოკიდებულება, ინფორმაციის ნაკლებობა და საზოგადოების არასწორი შეხედულებებია. ფონდი „იავნანა“ შეუერთდა ანტი-სტიგმა კამპანიას „დაინახე ყველაფერი“, რომელიც მიზნად ისახავს საზოგადოების დამოკიდებულების, ქცევის ნორმების შეცვლას და შეზღუდული შესაძლებლობის მქონე ბავშვების მიმართ, სტიგმის შემცირებას. 1 ივნისს, ბავშვთა დაცვის საერთაშორისო დღეს, თბილისის სახელმწიფო კონსერვატორიის დიდ დარბაზში, „იავნანას“ ეგიდით საქველმოქმედო კონცერტი, პიანისტმა დავით ალადაშვილმა გამარათა, რომელიც აღნიშნულ კამპანიას მიეძღვნა.