20 წლის წინ, ბნელ 90-იანბში ჯგუფმა “სახემ“ ქართულ მუსიკალურ ინდუსტრიაში, ისეთი ჰიტები შექმნა, რომლებსაც დღესაც მღერიან და აქტუალურობას არ კარგავს. თუ მაშინ ამერიკაში Backstreet Boys-ის ბიჭებზე აფანატებდნენ გოგონები, ჩვენთან საქართველოში მსგავსი ამბავი ჯგუფ სახეს სოლისტებზე ხდებოდა. მათი ერთი გამოჩენა საკმარისი იყო, რომ ქუჩები გადაკეტილიყო, დარბაზები გადაჭედილიყო და არც მეტი და არც ნაკლები, კოცერტზე ვერტმფრენითაც კი მისულან. მას შემდეგ მრავალი წელი გავიდა, მათმა სიმღერებმა დროს გაუძლო და უკვე 20 წლის იუბილე, ვასრკვლავის გახსნით აღნიშნეს. ფილარმონიასთან ჯგუფის ძველმა უკვე გაზრდილმა თაყვანისმცემლებმა და ახალგაზრდა მელომანებმა მოიყარეს თავი.