თმა ადამიანის ინდივიდუალიზმის გამომხატველი ერთ-ერთი მთავარი ნიშანია. როდესაც მსახიობ პენელოპა კრუზს კითხეს, როდის გრძნობდა ის თავს ყველაზე მიმზიდველად, ესპანელმა ვარსკვლავმა განაცხადა, რომ მას ძვირადღირებულ სამკაულებსა და მოდურ კაბებზე მეტად, თავს სასურველ ქალბატონად, მოვლილი და ლამაზი თმა აგრძნობინებს. საერთაშორისო ტრენერი, მოდის სფეროში აღიარებული სტილისტი, სერგეი ჰეგიც ამ შეხედულებას იზიარებს. კომპანიის “Beauty Life” მოწვევით კი ჰეგიმ თბილისში პროფესიონალი სტილისტებისათვის პერსონალიზებული მასტერკლასი “QUEEN OF BEAUTY” ჩაატარა, სადაც წარმოდგენილი იყო 2017 წლის შეჭრა-შეღებვის თანამედროვე ტექნოლოგიები და ტრენდული ტონალობები.