დიახ თვალი არ გატყუებთ, ჩვენც თქვენსავით გაოცებულები დავრჩით, როდესაც მარჯანიშვილის #16 ა ნომერთან ჩავიარეთ და თავი 30-40-იანი წლების ამერიკულ გარემოში ამოვყავით. თბილისურ სივრცეს რეტრო სტილში გადაწყვეტილი ლოკაცია, კიდევ უფრო ალამაზებდა. თავდაპირველად ღია კაფემ მიიქცია ყურადღება, სადაც ხის მაგიდებზე, პატარა სანთლები იყო ანთებული, რომლის გარშემოც ადამიანები იყვნენ შემომსხდრები, ხელში ჭიქა სასმელი ეჭირათ და მეგობრების წრეში, თბილისურ ჭორებს განიხილავდნენ, დამღლელი დღის შემდეგ განსატვირთად, აღნიშნული გარემო ლაუნჯ-ბარი “FLATZ” იდეალური ადგილი აღმოჩნდა.