ბრძანება №00486, შესაძლოა თქვენ ეს ციფრები არაფერს გეუბნებათ, მაგრამ ამ ბრძანების საფუძველზე, სტალინურ ეპოქაში, უამრავი უდანაშაულო ადამიანი ეწირებოდა რეპრესიებს. ამ პერიოდში აკმოლინსკის ბანაკში, არაერთი ქალი იხდიდა სასჯელს, როგორც სამშობლოს მოღალატე ოჯახის წევრები. დირიჟორ ევგენი მიქელაძის მეუღლე, ქეთევან ორახელაშვილი, მწერალ ნოდარ დუმბაძის დედა, ალექსანდრა დუმბაძე, მწერალ ბორის პილნიაკის მეუღლე, კირა ანდრონიკაშვილი და კიდევ რვა ათასამდე ქალი, საშინელ მოპყრობასა და წამებას უძლებდა ალჟირის კედლებში. რეჟისორმა ავთანდილ ვარსიმაშვილმა კი გადაწყვიტა ეს ისტორია, გრიბოედობის თეატრის სცენაზე გაეცოცხლებინა.