სამბას ქართველი დედოფალი – ამ ეპითეტით ხშირად მოიხსენიებდნენ მომღერალ ქეთი ფარესაშვილს. ეს გასაკვირი არცაა, რადგან მისი სიმღერა “ასე დაიწყო სამბა” 90-იანი წლების ერთ-ერთი ყველაზე ცნობილი ჰიტი იყო. ქეთი მუსიკოსთა იმ რიცხვს განეკუთხვნება, რომლის სახელიც საზოგადოებას ყოველთვის ახსოვს. თავად მომღერალი არაერთხელ აღნიშნავს, რომ კარიერული კუთხით პასიურობდა და დღეს უფრო წარმატებული იქნებოდა, მეტი შემართება რომ ჰქონოდა, თუმცა მიუხედავად ამ ყველაფრისა, მის შემოქმედებასა თუ პირად ცხოვრებას, ხალხის მხრიდან ინტერესი არ მოკლებია. ამბობს, რომ საქართველო პატარაა და მუსოკოსისთვის, რომელსაც მასშტაბული გეგმები აქვს, სივრცე საკმარისი არ არის, მაგრამ ქეთი თავს სამშობლოში ჰოლივუდის ვარსკვლავად გრძნობს.