ქართველ კინომსახიობს, საესტრადო მომღერალს, სცენარისტს, კინორეჟისორს, არაერთი სიმღერის ავტორს, საქართველოს სახალხო არტისტსა და მრავალი კინოფესტივალის ლაურეატს, ბუბა კიკაბიძეს კინემატოგრაფიაში შექმნილი აქვს არაერთი დაუვიწყარი სახე, თუმცა კადრი გიორგი დანელიას ფილმიდან “მიმონო”, სადაც ის ერთ-ერთ გმირს, ლარისა ივანოვნას ტელეფონზე ესაუბრება, ნამდვილ კლასიკად იქცა. არ აქვს მნიშვნელობა გვაქვს თუ არა ეს კინოსურათი ნანახი, რადგან ბუბა კიკაბიძის მიერ შესრულებული სიმღერა “ჩიტო გვრიტო” ყველა ჩვენგანს მოუსმენია. ფილმი 1977 წელს გადაიღეს, მსახიობმა კი 40 წლის შემდეგ მოახერხა ლარისა ივანოვნასთან შეხვედრა და როგორც გვეუბნება, არცერთ მათგანს არ დაუკარგავს ის შემართება, რომელიც ფილმის გადაღებისას ჰქონდათ.