გრძელთმიანი ბიჭი საყურით, ასე იცნობდნენ მას 90-იან წლებში, თუმცა ახლაც არაფერი შეცვლილა, ლადო ბურდული თავის იმიჯს კვლავ ირგებს და როგორ თვითონ გვეუბნება ახლაც ის ბიჭია, რომელიც საკუთარ ცხოვრებას მუსიკას უძღვნის. პირველი რაც მუსიკოსის სახელს უკავშირდება არის სიმღერა „ჩემი მშვენიერი ლედი“ და მისი ბინის დახურული წვეულებები, რომელიც იმ პერიოდის თბილისში ხელოვნების, ანდერგრაუნდისა და თავისუფლების ბუდე იყო.