მაშინ, როცა ქართულ შოუბიზნესს აყვავების ხანა ედგა, უფროსი თაობის პოპულარულ სახეებთან ერთად, აქტიურად მოღვაწეობდნენ პატარა შემსრულებლებიც, რომლებიც დიდი პოპულარობით სარგებლობდნენ. მათ შორის იყვნენ: მარიკა თხელიძე, თიკა ჯამბურია და ნინი ქარსელაძე. 90-იან წლებში, თითქმის ყველა ბავშვი ტელე-ეკრანებზე მათ გამოჩენას, მოუთმენლად ელოდებოდა. დრო გადის და ყველაფერი იცვლება, ასევე შეიცვალნენ ისინიც, თუმცა ბავშვური იერი კვლავ შემორჩენილი აქვთ. ახლა სამივე მათგანი საუკეთესო მეგობრები არიან და ერთმანეთის გაცნობის ისტორიას, რესტორან “ტერასაში“ ჩვენს კამერასთან ჰყვებიან.