მოდა – ეს არის სიტყვა, რომელიც გვესმის ყოველდღე, მაგრამ მიუხედავად ამისა, არასოდეს გვბეზრდება მასზე საუბარი. რატომ? იმიტომ, რომ მოდის უმთავრესი კომპონენტი ცვლილებებსა და სიახლეებს ეხება. ქალების დიდ ნაწილს ხომ, იმიტომ უხარია თვის ბოლოს ხელფასის აღება, რომ მალე საყიდლებით ანუ ე.წ. ”შოპინგით” დაკავდება. რა არის მოდა? ვინ ქმნის მოდას? ვინ ახდენს დიდ ზეგავლენას ამ სფეროში ჩვენზე? ამაზე უსასრულოდ შეგვიძლია საუბარი, მაგრამ უნდა აღვნიშნოთ, რომ ქართველი დიზაინერი ავთანდილ ცქვიტინიძე ერთ-ერთი პირველია, რომელმაც ჩვენი საზოგადოება ნამდვილ მოდას აზიარა. როგორც დიზაინერი ამბობს, მოდა დიდხანს ვერ ცოცხლობს და მას ყოველთვის განახლება სჭირდება. 2017 წელი დაიწყო, მსოფლიოს მოდის სახლებიც, ახალ ტენდენციებს სთავაზობენ მოდის მოყვარულებს და მიუზიკ ბოქსის გამაღები ჯგუფიც ავთანდილს ესტუმრა.