ახალგაზრდა კომპოზიტორს ნატო თოთიბაძეს მეგობრებმა საიუბილეო საღამო მიუძღვნეს, სადაც მის მიერ შექმნილი ძველი და ახალი სიმღერები გაჟღერდა. საიუბილეო საღამოს ნატო თოთიბაძის ახლო მეგობრები, მომღერლები, კოლეგები და სხვები ესწრებოდნენ. „მონატრების ღამე“, „სიყვარულის წლები“, „მონატრება“ – ეს მის მიერ შექმნილი სიმღერების არასრული ჩამონათვალია. ღონისძიების დასასრულს ტორტი „მრავალჟამიერის“ ფონზე გაიჭრა, რომელიც მომღერალმა ლაშა ლონტმა მეგობრებთან ერთად შეასრულა.