სახელმწიფო მნიშვნელობის პროექტი „VOISA“, რომლის მიზანს საქართველოს მსოფლიოსთვის გაცნობა წარმოადგენს, 4 აგვისტოს „Check In Georgia“-ს ფარგლებში, „ბლექ სი არენაზე“ ჩატარდება. ღონისძიება საქართველოს დამოუკიდებლობის 100 წლის იუბილეს ეძღვნება. „VOISA“-ს ავტორი აშშ-ში მოღვაწე, ბრწყინვალე პიანისტი და კომპოზიტორი, Berklee College of Music-სა და Manhattan School of Music-ის მაგისტრი, Yamaha-ს ჯაზარტისტი გიორგი მიქაძეა, რომელმაც შექმნა თანამედროვე მუსიკის უპრეცედენტო ჟღერადობის მუსიკალური პროექტი საკუთარი ამერიკული All-Star Band-ისა და ანსამბლ „ბასიანისთვის“.