საქართველოს სხვადასხვა რეგიონში წიგნიერების ამაღლებაზე ზრუნვაა საჭირო, რისთვისაც აუცილებელია ბიბლიოთეკების განვითარება, მათი წიგნადი ფონდების განახლება და სკოლების უახლესი ლიტერატურით მომარაგება. სწორედ ამ მიზნით, საქართველოს პარლამენტის ეროვნულმა ბიბლიოთეკამ კომპანია „გალფთან“ ერთად პროექტი „წიგნიერი“ დაიწყო. პროექტი მასშტაბურია და მასში ჩართვა ნებისმიერ მსურველს შეუძლია.