3 ხაზისა და 111 გონდოლისგან შედგება ახალი საბაგირო გზა კობი-გუდაურში, რომელიც 7 კილომეტრზე მეტია და საათში 2800 მგზავრს ემსახურება. ახალი საბაგიროთი იმგზავრა ტურიზმის ეროვნული ადმინისტრაციის ახალმა ხელმძღვანელმა მარიამ ქვრივიშვილმა, რომელმაც გუდაურში ადგილობრივ და უცხოურ მედიას უმასპინძლა. საბაგიროს გარშემო სათხილამურო გზაზე სრიალი კი გვიან გაზაფხულამდე იქნება შესაძლებელი.