მერილ სტრიპი, კოლინ ფერტი, ბენ უიშოუ, ემილი მორტიმერი და მთავარი როლი ემილი ბლანტი. ქასთის ჩამოთვლის შემდეგ ნათელია, რომ ახალი მიუზიკლი „მერი პოპინსი ბრუნდება“ დიდ აღიარებას მოიპოვებს. დისნეის კიდევ ერთი ჯადოსნური საახალწლო თავგადასავლის ნახვა კი საქართველოს კინოთეატრებში უკვე შეგიძლიათ. პრემიერა კინოთეატრ ამირანში გაიმართა, რომლის ჩვენება ივენთკომპანია Geoworld-მა და ნამცხვრის სახლმა Azzato-მ წარმოადგინა, მედიაპარტნიორები კი რადიო ფორტუნა და ფორტუნა პლუსი გახლდათ.