„დილა მშვიდობისა საქართველო“ დიზაინერსა და კულინარს, მაკა კვიციანს სახლში ესტუმრა და მისი თავის მოვლის წესების შესახებ ინფორმაცია შემოგვთავაზა.
მაკა კვიციანი:
„თუ ბავშვები სკოლაში მიდიან, მაშინ დილის რვის ნახევარზე ვდგები. პირველ რიგში, რასაც ვიკეთებ, ეს თვალის „პაჩებია“, რომლის დახმარებით გამოძინებული თვალები მაქვს. წყალი მნიშვნელოვანია. წყალს ვათბობ 50 გრადუსზე და ვსვამ, რომ მეტაბოლიზმს შეუწყოს ხელი. დღის განმავლობაში ორ ლიტრამდე წყალს ვსვამ.
სახის მოსავლელად ყველაზე მნიშვნელოვანია სახის დაბანა, დილას-საღამოს ბავშვის საპნითაც კი კარგად ჩამოიბანება. კოვიდის დროს აქტუალური გახდა სახლში თავის მოვლის რუტინა. მეც შევისწავლე რამდენიმე რეცეპტი. ძალიან მიყვარს მაწვნისა და კურკუმის ნიღაბი, მას ვხმარობ, როცა კანზე გამონაყარი მაქვს… ასევე ძალიან მომწონს მაწვნის და ლიმონის ნიღაბი, რომელიც პიგმენტაციის საწინააღმდეგოა“.