3 წელი გავიდა, რაც გიო ხუციშვილი გარდაიცვალა. მომღერალს მძიმე დიაგნოზი დაუსვეს, საზღვარგარეთ მკურნალობდა, მაგრამ სამწუხაროდ, ექიმებმა მისი სიცოცხლის შენარჩუნება ვერ შეძლეს. გარდაცვალებამდე მცირე ხნით ადრე მას ვარსკვლავი გაუხსნეს და თბილისის დიდ საკონცერტო დარბაზში, კულტურის პალატის ორგანიზებით, საღამო გაუმართეს, რომელიც მომღერლის უკანასკნელი გამოსვლა აღმოჩნდა სცენაზე…
სოციალურ ქსელში გიოს უფროსი ვაჟი, ნოდარიკო იხსენებს, რომელიც ასევე მომღერალი გახლავთ. ნოდარიკო წერს: „3 წელიც გავიდა… მამ“ და მამასთან ერთად გადაღებულ ფოტოებს აქვეყნებს.