W Magazine-ის ოფიციალურ საიტზე კანის კინოფესტივალზე გადაღებული ფოტოები გამოქვეყნდა, სადაც მსოფლიოს ტოპვარსკვლავები მოხვდნენ, მათ შორის ალეხანდრო გონსალეს-ინარიტუ, ბილ მიურეი, ანტონიო ბანდერასი, უილიამ დეფო, პრიანკა ჩოპრა და სხვები. მათ შორის ჟურნალის ყურადღება ასევე მიიპყრო ქართველმა მსახიობმა ლევან გელბახიანმა, რომელიც კანის კინოფესტივალის სპეციალური პროგრამის მონაწილე ქართულ-შვედური ფილმის „და შემდეგ ჩვენ ვიცეკვეთ“ ერთ-ერთი მთავარი როლის შემსრულებელია.
ლევან გელბახიანის შავ-თეთრი შთამბეჭდავი პორტრეტი ვიქტორია სტივენდიდ მიერ არის გადაღებული.