Look Models Managment-ის მოდელი, მატილდა გვარლიანი ჯერ მხოლოდ 15 წლისაა, მაგრამ საერთაშორისო საააგენტოებთან კონტრაქტები უკვე გაფორმებული აქვს და 16 წლიდან შეძლებს, საინტერესო პროექტებში მიიღოს მონაწილეობა.
მატილდა „სტრადაში“ გადავიღეთ, სადაც მასთან ინტერვიუც ჩავწერეთ. ქართული მოდის ახალი სახე ამ პროფესიაზე 6 წლიდან ოცნებობს, მსახიობობაც სურდა, მაგრამ ახლა მთლიანად მოდელობაზეა გადართული…
ულამაზესი გოგონას ოცნება „ვიქტორიას სიკრეტის“ შოუზე გამოსვლაა.
მატილდა გვარლიანი:
6-7- წლის ვიყავი, პირველად რომ ვნახე „ვიქტორიას სიკრეტის“ შოუ. ამან დიდი ემოციები გამოიწვია ჩემში, როცა ვნახე, როგორ გამოდიოდნენ მოდელები პოდიუმზე. ბავშვობიდან დავიწყე ამ პროფესიაზე ფიქრი და სულ მინდოდა, ჩემი თავი ტელევიზორში მენახა (იღიმის). ისე დადიოდნენ, რომ სურვილს აღმიძღავდნენ, მეც მათ გვერდით აღმოვჩენილიყავი. არ ვიცი, ამას რამდენად მოვახერხებ, მაგრამ ჩემი შესაძლებლობების 100%-ს გამოვიყენებ ამისთვის.
ანუ შენი ოცნება „ვიქტორიას სიკრეტის“ შოუში მოხვედრაა?
ჩემი მთავარი მიზანია, რაც შეიძლება მეტს მივაღწიო. მინდა „ვიქტორიას სიკრეტის“ შოუში“ მოხვედრა, რადგან ესეც ხომ დიდი წარმატებაა.
მოდელობასთან ერთად მსახიობობაც მინდოდა, მაგრამ ახლა მოდელობით უფრო დაინტერესბული ვარ. სამსახიობო სფეროშიც მინდა ჩემი სიტყვის თქმა. მოდელობაზე რომ შევაჩერე არჩევანი, ეს იმას არ ნიშნავს, რომ მეორე პროფესია არ მექნება. სულ მოდელი ვერ ვიქნები, ამიტომ სკოლის დასრულების შემდეგ სხვა პროფესიის შერჩევაზეც ვიფიქრებ, გარკვეული დროის შემდეგ.
მოდელი როგორ გახდი?
12 წლის ვიყავი, როდესაც look Models Managment-ის ცეკვის მასწავლებლის მეგობარი შემხვდა სალონში. შემოთავაზა ნინო ცქიტიშვილის სააგენტოში მისვლა, რომელიც, მისი თქმით, არა მხოლოდ საქართველოში, არამედ უცხოეთშიც წარმატებით მუშაობდა. რა თქმა უნდა, დავინტერესდი და მივედი. ძალიან პატარა ვიყავი და ასაკიდან გამომდინარე გადავწყვიტე, ცოტა ხანს დამეცადა. 14 წლიდან მივედი სააგენტოში. მესამე გაკვეთილზე უკვე გადავიღეთ თამუნა ინგოროყვას „ლუქბუქი“. სააგენტოში 14 წლის უფრო მომზადებული მივედი, განსაკუთრებულად გავაძლიერე ენების შესწავლა, რაც მოდელს ძალიან სჭირდება. 12 წლისამ იქ ჩემი ტოლი გოგონები ვერ ვნახე.
უცხოეთში გაქვს კონტრაქტები?
ვაპირებ კარიერის იქ გაგრძელებას. ორი კონტრაქტი მაქვს გერმანიასა და ესპანეთში წამყვან სამოდელო სააგენტოებთან. 16 წლის რომ გავხდები, უფრო აქტიურად შევძლებ კასტინგებში მონაწილეობას. გავაფორმებ კონტრაქტებს პარიზში, მილანსა და ნიუ იორკში. 16 წლამდე სასურველი არ არის.