საქართველოს საგარეო საქმეთა მინისტრის მოადგილე, ხათუნა თოთლაძე ცნობილი დიზაინერის, ავთანდილ ცქვიტინიძის მეუღლე გახლავთ. ხათუნას უზადო გემოვნება აქვს და ეს ყველა მისი საჯარო გამოსვლისას კარგად ჩანს.
მოდის მოყვარულებს იმედები არც პრეზიდენტის ინაუგურაციაზე გაუცრუა, როდესაც შავისა და წითლის კომბინაციით წარდგა. როგორც ავთანდილმა „ფორტუნას“ უთხრა, მეუღლეს სპეციალურად ამ დღისთვის შეუკერა შავი კაბა და წითელი პალტო. მინისტრის მოადგილის ამ ანსამბლს ცნობილი ბრენდის, „მანოლო ბლანიკის“ ფეხსაცმელი ამშვენებდა.
როგორც ყოველთვის, მან ახლაც უამრავი კომპლიმენტი დაიმსახურა.