ცნობილი ექიმი და ტელეწამყვანი კოტე მათითაშვილი მეორედ დაქორწინდა. მისი რჩეული დიზაინერი ეკა ბალანჩივაძეა, რომელსაც ძალიან ხშირად მაკა ასათიანს ამსგავსებენ. როგორც დიზაინერმა ერთ-ერთ ინტერვიუში აღნიშნა, კოტესთან ურთიერთობა რომ დაიწყო, ის პირველ ცოლს გაშორებული იყო. წყვილს უამრავი საერთო ინტერესი აქვს. მათ შორის არის ხატვის სიყვარული. კოტეს ნახატები ეკამ მაისურებზე გადაიტანა, რომლებიც, დიზაინერის თქმით, საკმაოდ კარგად იყიდება.
ამჟამად კოტე და ეკა თურქეთში არიან და სოციალურ ქსელში დიზაინერი უამრავ ფოტოს დებს, რომელთა ქვეშაც კომენტარებში მათ კიდევ ერთხელ ულოცავენ გაბედნიერებას.