სოციალურ ქსელებში ერთიმეორის მიყოლებით ქვეყნდება ფოტოები, სადაც ჩანს, რომ ქალაქის თავზე ძლიერი დამტვერიანებაა. ზოგი მას სმოგსაც უწოდებს. ხალხი ჩივის, რომ ასეთი ძლიერი მტვერის სუნთქვა გვიწევს.
გთავაზობთ რამდენიმე გამოხმაურებას ამ თემაზე.
გარემოს დაცვისა და სოფლის მეურნეობის სამინისტროს გარემოს ეროვნული სააგენტოს ინფორმაციით, „არსებული სინოპტიკური სიტუაციის გამო (სამხრეთიდან მოქმედი ცხელი ჰაერის მასებისა და ამიერკავკასიის ჩრდილოეთით მდგარი შედარებით გრილი ჰაერის მასების ურთიერთქმედებით) აღმოსავლეთ საქართველოს უმეტეს ნაწილში, მათ შორის თბილისში ადგილი აქვს ქვეყნის სამხრეთ რეგიონებიდან მტვრის მასების გავრცელებას. სააგენტოს სპეციალისტების განმარტებით, მსგავსი სინოპტიკური პროცესების დროს საქართველოს ტერიტორიაზე სამხრეთიდან მტვრის მასების გავრცელება დამახასიათებელია.”