მცირე ხნის წინ მუსიკალურმა პროდიუსერმა, მარინა ბერიძემ 70 წლის იუბილე აღნიშნა. მას დაბადების დღე ახალგაზრდა მომღერლებმა სპეციალური ვიდეოკლიპით მიულოცეს, საღამოს კი მან თავისი ახლობლები და ცნობილი სახეები ერთ-ერთ რესტორანში შეკრიბა, სადაც დაბადების დღე გადაიხადა. „მხოლოდ ქართულის“ ლაივზე ცნობილ მუსიკალურ პროდიუსერს ნიკა გვარამია დიდი თაიგულით გამოეცხადა, მაყურებელი კი გაკვირვებას ვერ მალავდა, რადგან არ ეგონათ, თუკი მარინა ბერიძე 70 წლის ხდებოდა.
ახლახან აჩიკო სოლოღაშვილმა თიკა ფაცაციასთან და მარინა ბერიძესთან ერთად გადაღებული ფოტო გამოაქვეყნა, წარწერით „აქ იჯდა ტფილისი“. ქალბატონი მარინა მოკლე ქვედაბოლოში შესანიშნავად გამოიყურება და რასაკვირველია, ისევ ვერ ვიჯერებთ, რომ მას ახლახან 70 წელი შეუსრულდა.
