31 დეკემბერი რადიოჰოლდინგ “ფორტუნაში” – მედიასივრცის იუბილარები

1997 წლის 31 დეკემბერს, FM სივრცეში 106,9-ზე, რადიო ფორტუნა გამოჩნდა, რომელმაც მსმენელთა გულის დაპყრობა, მალევე შეძლო. ბნელ 90-იანებში აღნიშნული რადიოსადგური ნათელი წერტილი გახლდათ. აქ გაჟღერებული ჰიტები – ერთგული მსმენელების play list-ში ანუ კასეტებზე ხვდებოდა. რადიო, რომელმაც ეპოქა შექმნა, გაიზარდა და ახლა უკვე ერთი დიდი ოჯახია. თანამშრომლები, შოუბიზნესის წარმომადგენლები თუ მეგობრები ყოველ 31 დეკემბერს, ტრადიციულად რადიოჰოლდინგ “ფორტუნაში” იკრიბებიან და ახალი წლის დადგომას, საიუბილეო თარიღის აღნიშვნით ხვდებიან. ერთი დიდი ჰოლდინგის შვილებმა, რადიო ფორტუნამ, ავტორადიომ და music box-მა დაბადების დღე აღნიშნეს.