ია ჩანტლაძემ ახლახან თავისი ძველი ჰიტი „არ მიყვარხარ“ გაგვახსენა და მისი განახლებული ვერსია „ღამის შოუში“ შეასრულა. ამ შესრულებამ უდიდესი გამოხმაურება გამოიწვია, რასაც თავად მომღერალი არ ელოდა. არაჩვეულებრივი ცოცხალი გამოსვლის შემდეგ მსმენელმა კიდევ ერთხელ აღიარა იას ვოკალური შესაძლებლობები.
ია ჩანტლაძე „ფორტუნას“ 25 წლის წინ შექმნილი სიმღერის ახალ ვერსიაზე ესაუბრა:
„ეს ვერსია იყო ლაივი, ანუ ცოცხლად შესრულებული. ექსპრომტად მოხდა და გადაცემისთვის მომზადდა. გელასთან წინასწარ შევთანხმდი, როგორ უნდა გაკეთებულიყო. პატარ-პატარა ცვლილებები შევიტანე, მოვარგე ჩემს თავს. როცა მივედი, გავიარეთ ორ-სამჯერ რეპეტიცია და ჩაიწერა ერთ დუბლში.