ლიზა იასკო – ვერასდროს წარმოვიდგენდი, რომ ჩემი შვილი დაიბადებოდა ჩვენი ქვეყნისთვის ომის ამ საშინელ რეალობაში – ვერასდროს წარმოვიდგენდი, რომ ბავშვის მამა არ იქნებოდა თავისუფალი და ჯანმრთელი

0
127

1 ივნისს, ბავშვთა დაცვის დღეს, 32 წლის დეპუტატმა ელიზავეტა იასკომ განაცახადა, რომ დედა გახდა. მისი პირველი შვილის მამა კი, ციხეში მყოფი საქართველოს ყოფილი პრეზიდენტი, 55 წლის მიხეილ სააკაშვილია. ამის შესახებ გამოცემა „tabloid.pravda.com.ua“ წერს.

როგორც გამოცემა წერს, ლიზა იასკომ დედობას მიუძღვნა „მგრძნობიარე პოსტი“ „ინსტაგრამზე“, რომელშიც ბავშვს უკრაინული ფესვები და მისი მამის უკრაინული გაგრძელება უწოდა.

ბავშვის სქესი იასკოს არ დაუკონკრეტებია და არც ის, როდის დაიბადა ბავშვი.

„ვერასდროს წარმოვიდგენდი, რომ ჩემი შვილი დაიბადებოდა ჩვენი ქვეყნისთვის ომის ამ საშინელ რეალობაში. ზაფხულის დაწყების დღეს უმეტესობას ბოლო დღეები არ გვეძინა. ზაფხულზე არ ვფიქრობთ. ვფიქრობთ ჩვენი შვილების დაცვაზე. ჩვენი შვილები, ბავშვები, რომლებსაც, სამწუხაროდ, რუსეთის ყოვლისმომცველი აგრესიის გამო საკუთარ სახლში უსაფრთხოება არ აქვთ.

ვერასდროს წარმოვიდგენდი, რომ ბავშვის მამა არ იქნებოდა თავისუფალი და ჯანმრთელი იმ ძალიან მნიშვნელოვან მომენტებში, როცა ერთად ვგეგმავდით ერთად ყოფნას. ჩემი შვილი ჩემი სიყვარულია. მამისთვის ჩვენი შვილი არის მისი უკრაინული ფესვები და უკრაინული გაგრძელება, რაზეც ოცნებობდა და სურდა ჰყოლოდა, ამაყობდა უკრაინის მოქალაქის პასპორტით.

არასდროს მიფიქრია, რომ ომის დროს ბავშვის გაჩენა ნამდვილად საშინელებაა. საშინელი და ძალიან შემზარავი ფიქრი მომავალზე. ყველაფერი სხვანაირად წარმოვიდგინეთ. ვითარება და რეალობა სრულიად განსხვავებული იყო. ის, რაც მე განვიცადე ძალიან მნიშვნელოვანი თვეების განმავლობაში, არის საშინელი სიტუაციები, რომლებიც ცალკე წიგნებში და ტრილერებში აღწერას იმსახურებს. საშინელებებია და შენ მარტო ხარ. და იბრძოლე იმისთვის, რისიც გჯერა. თავისუფლებასა და სამართლიანობაში. თქვენ კი მარტო ხართ ბავშვთან ერთად.

ფაქტობრივად, ბავშვს მშობლებისგან – მხოლოდ შენ ჰყავხარ. მხოლოდ შენ ხარ ახლოს – დედა, რომელიც ასრულებს როგორც დედის, ასევე მამის ორ ფუნქციას. შენ მარტო ხარ, მაგრამ ახლა შენნაირი ათასობით უკრაინელი ქალია, რომლებმაც იციან რა არის ბრძოლა თავისუფლებისთვის და ჩვენი შვილების თავისუფალი მომავლისთვის.

მე ყოველთვის მჯეროდა, რომ ჩვენ ვართ ის თაობა, რომელიც სამუდამოდ შეცვლის ქვეყანას და გაგვათავისუფლებს ყოველგვარი მცდელობისგან, გვაიძულოს ტყვეობაში ვიცხოვროთ! რა თქმა უნდა, შეუძლებელია ამის მასშტაბის წარმოდგენა, მით უმეტეს, როცა ეს უკვე გვეხება არა მხოლოდ ჩვენ, არამედ ჩვენი შვილების თავისუფლებას.

ჩვენი – ქალების მხრებსა და გულებზე ბევრმა განსაცდელმა გადაიარა. ქედს ვიხრი ყველა უკრაინელი ქალის წინაშე, რომელიც ახლა ღამით იღვიძებს, იცავს თავის მიწას თავისი შრომითა და ზრუნვით, იცავს შვილებს ყოველდღე.

მე ერთ-ერთი მათგანი ვარ.

მე დედა ვარ.

მე ვარ უკრაინელი დედა.

უკრაინელი ბავშვის დედა ვარ.

ჩვენ კი, უკრაინელი დედები, ახლა ვიცავთ თავისუფლებას ჩვენი შვილების თაობისთვის, რომლებიც მშობლებისგან დაიბადნენ, უკრაინელების თავისუფალი სულითა და გულით!

დაე, ჩვენი შვილები იყვნენ დაცულები!”, – წერს იასკო.

უკრიანული მედია წერს, რომ სააკაშვილის რომანი იასკოსთან 2020 წლის ნოემბერში გახდა ცნობილი. მოგვიანებით სააკაშვილის მეუღლემ სანდრა რულოვსმა განაცხადა, რომ მისი ღალატი მისთვის მოულოდნელი იყო. 2022 წლის იანვარში გაირკვა, რომ ყოფილი მეუღლის ორი ვაჟის გარდა, სააკაშვილს ქალიშვილიც ჰყავს, მომღერალ სოფო ნიჟარაძისგან სააკაშვილი ელის მარია ჰყავს. სააკაშვილი გისოსებს მიღმა 2021 წლის ადგილობრივი არჩევნების წინა დღეს მოხვდა.

LEAVE A REPLY

Please enter your comment!
Please enter your name here