ნატალია ყიფშიძემ ეკა ხოფერიას „პოდკასტში“ ისაუბრა თუ , როგორ ეხმარებოდა მამას, გიორგი ყიფშიძეს მაშინ, როდესაც ის ენი გასოევასთან და მათ პირველ შვილთან, კოსმოსთან ერთად ცხოვრობდა:
„კოსმო კორონას ბავშვია. როცა გაჩნდა, გიორგი და მისი ყოფილი მეუღლე ცხოვრობდნენ სხვაგან. მაგ დროს უნივერსიტეტი მქონდა ონლაინ. წერეთელზე ცხოვრობდნენ და მეც მანდ ვიყავი ხოლმე. პირველი წელი ძალიან აქტიურად ვეხმარებოდი. მერე მივხვდი, რომ ნამეტანია, ძალიან დიდი დრო მიაქვს ამ ყველაფერს. მერე მეორეც გაჩნდა, ლუნჩიკა. მერე ეს ყველაფერი ისე გადალაგდა, რომ გიორგი სულ მარტო აღმოჩნდა. მე კი მინდოდა დახმარება, მაგრამ ბევრი რამ ხდებოდა ჩემს ცხოვრებაში, ვსწავლობდი, კატა მყავდა…. ვუყურებდი, რომ გიორგი რეალურად სულ მარტო აღმოჩნდა…“
ნატალიას ინტერვიუს ეხმიანება გიორგი ყიფშიძის ყოფილი მეუღლე და კოსმოს და ლუნას დედა, ენი გასოევა, რომელიც წერს:
„აი, ახლა კი ვისაც რა გინდათ ის მომწერეთ, რაც გინდათ თქვით, მაგრამ ნატალია რასაც საუბრობს, ეს არის სირცხვილი. სულ რომ ეგრე ყოფილიყო, ხმას როგორ ამოვიღებდი საჯაროდ. მაგრამ რეალობა სხვანაირად იყო და ამას აუცილებლად მოვყვები. ვინც მიცნობს და მაგ პერიოდში კონტაქტი ჰქონდა, არაერთ ადამიანს, ყველამ კარგად იცის რეალურად რა და როგორ იყო, ამაზე ძალიან მალე ჩავწერ ვიდეოს.
შენი ძმაა, აბა, ოჯახს თუ არ დაეხმარე, ვის უნდა დახმარებოდი. მაგრამ ოჯახის ამბებს, სულ რომ ეგრე ყოფილიყო, რა გამომატანინებდა გარეთ. მეც ბევრ რამეს ვაკეთებდი, რაც ჩემს ვალდებულებაში არ შედიოდა და ასე არ გამოვსულვარ და გაურკვეველი მიზეზების გამო არ მითქვამს. ჩემს თავს არ ვაკადრებდი ამას. უბრალოდ ეგაა, თავმოყვარეობა გაქვს, ან – არა. და რაც შეეხება კატას, მაქსიმუმ ორი წელია, რაც ჰყავს. კატას მოვლა სჭირდებოდა ძალიან დიდიო, სიგიჟეა…”
