ანუკი ცქვიტინიძემ მცირე ხნის წინ ბარიატრიული ოპერაცია გაიკეთა და წონის დაკლებასაც მალე შეუდგა. კომპოზიტორის წონის კლება უკვე შესამჩნევია და თავადაც თამამად საუბრობს წარმატებული შედეგის შესახებ.
ანუკი ცქვიტინიძე fortuna.geს უყვება, როგორ გაიარა პოსტოპერაციული პერიოდი.
ანუკი, როგორ გადაწყვიტე წონის დაკლებისთვის ოპერაციის გაკეთება?
მთავარი კითხვაა ის, როდის დავიწყე მატება. ორივე შვილი მყავდა გაჩენილი და წონის პრობლემას ნამდვილად არ ვუჩიოდი. დაიწყო პანდემია, ყველაფერი გამოიწვია ჩაკეტილობამ, სტრესმა, ფინანსურმა შეზღუდვამ, – მოგეხსენებათ, ჩვენი პროფესია პირდაპირ უკავშირდება ღონისძიებებსა და კონცერტებს, მოგვიწია სახლში ყოფნამ, უმოძრაოდ, ეკონომიურად კვებამ, მაკარონით, პურით, ცომეულით… გვეგონა, რომ ეს არ იქნებოდა პრობლემა, მაგრამ მთელ ოჯახს შეგვექმნა პრინციპში პრობლემა, განსაკუთრებით – მე.
