„ასოციაცია ქართულმა სახლმა“ იტალიაში ახლახან ნოდიკო ტატიშვილის სოლოკონცერტებს გაუწია ორგანიზება.
კონცერტების შემდეგ, ასოციაციამ მომღერალს განსაკუთრებული მადლობა გადაუხადა:
„წელს გაზაფხული მილანსა და რეჯო ემილიაში ქართველი ემიგრანტებისათვის, უსაყვარლესმა და უნიჭიერესმა მომღერალმა ნოდიკო ტატიშვილმა მოიყვანა.
დედის დღისა და ქალთა საერთაშორისო დღისადმი მიძღვნილმა კონცერტმა, რომელიც შესაბამისად 4 და 5 მარტს გაიმართა, ორივე ქალაქში სრული ანშლაგით ჩაიარა.
სიტყვებით ძნელია იმ ემოციის გადმოცემა, რომელიც იქ სუფევდა….
ეს იყო ნამდვილი ქართული გენის და სულის ზეიმი, რომელსაც ასე მოწყურებული არიან სამშობლოს და თავიანთ ოჯახებს წლობით მოცილებული ემიგრანტები.
ამდენი ბედნიერი სახე, სიხარულის ცრემლები და ამაღლებული განწყობა დიდი ხანია არ გვინახავს.
ყველაზე დიდი არგუმენტი ამ ყველაფრის ნაწილობრივ გადმოსაცემად, ის ფოტოები და ვიდეორგოლებია, რომლებსაც ქვემოთ გთავაზობთ.