გიორგი ნაზღაიძე და ნინო ჩხეიძე „ღამის პრაიმ ტაიმს“ ერთად უძღვებიან. გადაცემაში ახლა მხოლოდ ორი წამყვანია. როგორც ნინო და გიორგი ამბობენ, რომლებიც კადრს მიღმა უკვე წლებია მეგობრობენ, ერთად ძალიან კომფორტულად გრძნობენ თავს.
გიორგი:
ორი ტყუპი დავრჩით გადაცემის წამყვანებად – მე და ნინო ჩხეიძე. მიხეილ ცაგარელმა იწინასწარმეტყველა, რომ ზოდიაქოთი ტყუპებისთვის ეს და შემდეგი წელიც ძალიან კარგი იქნება და ასეც აღმოჩნდა. შეიძლება ითქვას, ოთხნი ვართ და ეს საკმარისია (იცინის).
ნინო:
საკმარისია თუ არა, ეს მაყურებელმა შეაფასოს, მაგრამ მე ძალიან კარგად ვგრძნობ თავს – გიორგისთან მუშაობა კომფორტულია, მობილიზებულია, ენერგიული, შრომისმოყვარე, არ ერიდება ექსპერიმენტებს. როგორც პარტნიორი, პირადად მე მამყარებს. მანამდე, მაყურებელიც შეამჩნევდა, ცოტა დაძაბული ვიყავი და ბარიერები მქონდა. რაც გიორგი მოვიდა, თითქოს მეც უფრო გავიხსენი, ჩემთვის მოტივაციაა გადაცემაში.