ნიკო ნანიტაშვილმა ახლახან თეატრალური სახელოსნო „ბრავოს“ ბაზაზე საკუთარი საცეკვაო სტუდია გააკეთა ლიზი ჭიჭიაშვილთან ერთად, რომელსაც მასავით ძალიან უყვარს ცეკვა. 1-ლი ოქტომბრიდან „ბრავოში“ პირველი ჯგუფი უკვე დაიწყებს ფუნქციონირებას. ნიკოსთვის პედაგოგიური საქმიანობა ახალია, თუმცა ცეკვა მისი ცხოვრების თანმდევია და ყოველთვის სანანებელი ჰქონდა, რომ აქტიურად არ მიჰყვა ქორეოგრაფობის გზას – ახლა სწორედ ამ სურვილის ასრულების დრო დადგა.
ნიკო ნანიტაშვილი:
უკვე 9 წელია, გლდანში არსებობს თეატრალური სახელოსნო „ბრავო“, საბავშვო თეატრია, რომელიც რეჟისორმა კობა გოგიძემ დააარსა და იზრდებიან პატარა მსახიობები. რამდენიმე თვის წინ შემეხმიანა და მკითხა, პატარა არტისტებთან თუ ვიმუშავებდი სასცენო მოძრაობასა და ქორეოგრაფიაზე, რაც სპექტაკლებში გამოდგება, იგულისხმებოდა არა მხოლოდ ქართული ცეკვა. მე შევთავაზე, თუ იქნებოდა საშუალება და თუ ჰქონდა იმ ზომის სარეპეტიციო დარბაზი, რომ ქართული ცეკვის სტუდია გამეკეთებინა. „ბრავოს“ ტერიტორიაზე, გარდა იმისა, რომ ვმუშაობ მსახიობებთან, გავხსენი ხალხური ცეკვის სტუდია – „ბრავო“.
ინტერვიუ სრულად იხილეთ fortuna.ge – ზე
