როცა მაკა შალიკაშვილს სადმე შეხვდებით და მოიკითხავთ, როგორ არის, ის აუცილებლად გიპასუხებთ, რომ არის ძალიან კარგად. ეს პასუხი მის ცხოვრებას კარგად ახასიათებს, მიუხედავად სიძნელეებისა, სილაღესა და ოპტიმიზმს არასდროს კარგავს და უნდა, ეს თვისება არც შემდეგ წლებში დაკარგოს…
ახლახან მაკა ამღერდა. დათო არჩვაძემ 15 წლის წინ მას სიმღერა დაუწერა, რომელიც ახლა სპეციალურად „ღამის პრაიმ ტაიმისთვის“ ჩაწერეს.
fortuna.ge-სთან საუბარიც სწორედ ამით დაიწყო…
მაკა შალიკაშვილი:
15 წლის წინ დათო არჩვაძეს შემთხვევით შევხვდი და მაშინ გადაწყდა, რომ ჩემთვის სიმღერა უნდა დაეწერა. ხომ იცით, დათო როგორი ბიჭია? ძალიან ნიჭიერი, ძალიან იღბლიანი და ძალიან მოუხელთებელი (იცინის). თევზივითაა. მას შემდეგ, როცა ერთმანეთს ვხვდებოდით, ამ დუეტზე სულ ვლაპარაკობდით, მაგრამ შემდეგ მისი ჩაწერა ვერ ხერხდებოდა. მერე მე დამავიწყდა და თავად მახსენებდა ხოლმე. მადლობა „რუსთავი 2“-ს, რომ „ღამის პრაიმ ტაიმის“ პრემიერების გადაცემისთვის ამ სიმღერის ჩაწერა შემოგვთავაზეს..