ანი კეკუამ „იმედზე“ „სიცრუის დეტექტორში“ მშობლების დიდ სიყვარულზე ისაუბრა და უპასუხა კითხვას, იპოვა თუ არა ისეთივე სიყვარული, როგორიც მისმა მშობლებმა.
ამ კითხვაზე პასუხისას ანიმ გაამხილა, რომ ამჟამად განქორწინებულია:
„დედაჩემს და მამაჩემს განსაკუთრებული ურთიერთობა ჰქონდათ. შემიძლია ვთქვა, რომ ძალიან დიდ სიყვარულში ვარ გაზრდილი და მადლიერი ვარ ჩემი ოჯახის. სულ მახსოვს მათი პოზიტიური ურთიერთობა, ხმის აწევაც კი არ მახსოვს. ჩემთვის განსაკუთრებულია მათი ურთიერთობა….“
გიორგი გასვიანის რეპლიკაზე, რომ ანი დაოჯახებული იყო, დადებითად პასუხობს და აღნიშნავს, რომ ახლა შეყვარებული არ არის.