ახლახან მომღერალი თაკო კაკალაშვილი გაბედნიერდა. მისი რჩეული გიგა სამადალაშვილია. ქორწილი ულამაზეს გარემოში გაიმართა, ბევრი რამ თავად თაკოს მეუღლემ ააწყო საკუთარი ხელით… ამჟამად წყვილი იტალიაში საქორწილო მოგზაურობაში იმყოფება და სიამოვნებით იხსენებენ ქორწილის დღეს, რომელიც დაუვიწყარი აღმოჩნდა როგორც თაკოსა და გიგასთვის, ასევე მათი სტუმრებისთვის. თაკო კაკალაშვილი ქორწილის ამბებს და სიყვარულის ისტორიას fortuna.ge-სთან ექსკლუზიურად ჰყვება.
თაკო, გილოცავთ გაბედნიერებას. გაგვაცანით თქვენი რჩეული, გაცნობის ისტორია, თქვენი სიყვარულის ამბავი, როგორ და სად შეხვდით და როგორ დაიწყო და განვითარდა თქვენი სიყვარული?
ჩემი რჩეული არის გიგა სამადალაშვილი. ჩვენ ერთმანეთი გავიცანით მათემატიკის გაკვეთილზე, რადგან ძალიან აქტიური ვიყავი, გადამსვეს გიგასთან, შანსი არ არის, ვერ აალაპარაკებო, ზუსტად ერთ თვეში ისეთი შეყვარებულები ვიყავით, ვეღარ დავმალეთ და გავხდით შეყვარებულები. მერე, როცა უნივერსიტეტში ჩავაბარეთ, დავშორდით ხუთი წლის განმავლობაში. ისევ გადავიკვეთეთ ხუთი წლის შემდეგ, ზრდასრულები და ჩამოყალიბებულები და ასე დაიწყო ჩვენი სიყვარულის ისტორია. იმ ხუთი წლის შემდეგ ისევ რომ შევხვდით ერთმანეთს, მივხვდით, რომ არაფერი შეცვლილა და ისევ გვიყვარდა ერთმანეთი. გადავწყვიტეთ, ცხოვრება ერთმანეთისთვის დაგვეკავშირებინა.
