რადიო „ფორტუნა პლუსის“ გადაცემა „ვიზიტორის“ სტუმარია მომღერალი, ნუცა ბუზალაძე, რომელმაც არაერთ საინტერესო თემაზე და სამომავლო გეგმებზე ისაუბრა.
დიდი წარმატებების შემდეგ, როდესაც შენ თავთან მარტო დარჩი, რაზე იფიქრე?
ზოგადად, როცა რაღაცით ძალიან კმაყოფილი ხარ, შემდეგ გაუმჯობესებაზე აღარ ფიქრობ. ერთი-ორი დღე ვტკბები ხოლმე, შემდეგ აღარ. მთავარია, რას აკეთებ ახლა და რას გააკეთებ. რომ გადავწყვიტე კასტინგში მონაწილეობა, ეს ამბავი მხოლოდ ჩემმა ორმა მეგობარმა და დეიდაშვილმა იცოდნენ. როცა ჰოლივუდის ბილეთი მომცეს, დედაჩემს მაშინ ვუთხარი.
როგორი იყო ამერიკაში შენი პირველი დღეები?
ძალიან სასიამოვნო და დატვირთული, მე ზოგადად ვგიჟდები, როცა დატვირთული ვარ, ქაოსი მიყვარს. უამრავ სხვადასხვანაირ ადამიანს შევხვდი, ვისწავლე, როგორი ადამიანი უნდა იყო, რომ წარმატებას მიაღწიო. მოზომილად უნდა გააკეთო ყველაფერი, ზედმეტი არ უნდა მოგივიდეს. ამერიკამ დიდი გამოცილება მომცა, უფრო მეტად მასწავლა შრომა და შრომის ფასი.
შენ ისევ ის ხარ, არ შეცვლილხარ…
ზოგადად, რაც გეძლევა, უცბად შეიძლება წაგერთვას, იმ ასაკიდან გამოვედი, თავში არაფერი მივარდება. არავინ არავისზე მეტი და ნაკლები არ არის, მე ასეთი შეხედულება მაქვს. როგორც ადამიანი, არაფერმა არ უნდა გაგაფუჭოს.
