ევროპული კინოს „ამომავალ ვარსკვლავებს“ შორის ქართველი მსახიობი, სალომე დემურია დასახელდა

0
104

მსახიობი სალომე დემურია რუსუდან გლურჯიძის ფილმში “ანტიკვარიატი” შესრულებული როლისთვის ევროპული კინოს „ამომავალ ვარსკვლავებს“ შორის დასახელდა! – ინფორმაციას საქართველოს კინემატოგრაფიის ეროვნული ცენტრი ავრცელებს.

პროგრამა European Shooting Stars-ი ხორციელდება “ევროპული კინოს პრომოუშენის” (EFP – European Film Promotion) მიერ ბერლინის საერთაშორისო კინოფესტივალის ფარგლებში.

ამ კონკურსში მონაწილეობის მისაღებად სალომე დემურიას კანდიდატურა ეროვნულმა კინოცენტრმა წარადგინა.

ახალგაზრდა ვარსკვლავების ათეული „ევროპული კინოს პრომოუშენმა“ (EFP – European Film Promotion ) გამოაქვეყნა, გადაწყვეტილება კი კინოინდუსტრიის საერთაშორისო ექსპერტებისგან შემდგარმა ჟიურიმ მიიღო.

ბერლინის 74-ე საერთაშორისო კინოფესტივალის მსვლელობისას სალომე დემურიას თავის უცხოელ კოლეგებთან ერთად შესაძლებლობა ექნება, პირისპირ შეხვდეს კასტინგის წამყვან დირექტორებს, პროდიუსერებსა და რეჟისორებს, 19 თებერვალს კი ბერლინის საერთაშორისო კინოფესტივალზე „ევროპელი ამომავალი ვარსკვლავის ჯილდოს“ გადასცემენ.

„ევროპული კინოს პრომოუშენი“ საერთაშორისო ქსელია, რომელიც 37 ქვეყნის კინოორგანიზაციებს აერთიანებს. მათ შორის არის საქართველოს კინემატოგრაფიის ეროვნული ცენტრი.

LEAVE A REPLY

Please enter your comment!
Please enter your name here