თბილისის ოპერისა და ბალეტის თეატრის 166-ე სეზონი 12 ივლისს დაიხურება

თბილისის ოპერისა და ბალეტის თეატრის 166-ე სეზონი 12 ივლისს დაიხურება

12 ივლისს, 20:00 საათზე, თბილისის ოპერისა და ბალეტის თეატრი 166-ე სეზონს ზაქარია ფალიაშვილის „აბესალომ და ეთერით“ დახურავს.

სპექტაკლში მონაწილეობას მიიღებენ: საქართველოს სახალხო არტისტი თეიმურაზ გუგუშვილი, ოპერის თეატრის სოლისტები: ხათუნა ჭოხონელიძე, ვახტანგ ჯაშიაშვილი, ელენე ჯანჯალია, ირა იოსებიძე-მამალაძე, გია ასათიანი, თამაზ საგინაძე, გია მახარაძე, ნუცა ზაქაიძე (სტაჟიორი), გიორგი მჭედლიშვილი (სტაჟიორი).

„აბესალომ და ეთერის“ დამდგმელი დირიჟორია ზაზა აზმაიფარაშვილი (თეატრის მთავარი დირიჟორი), დამდგმელი რეჟისორი გიზო ჟორდანია, დამდგმელი მხატვარი გიორგი ალექსი-მესხიშვილი, დამდგმელი ქორეოგრაფი ილიკო სუხიშვილი.

სეზონის დახურვის შემდეგ თბილისის ოპერის და ბალეტის თეატრის გუნდი და ორკესტრი მიემგზავრება ერთი თვით გასტროლებზე იტალიაში პუჩინის ცნობილ ფესტივალზე Torre del Lago და ტალიაკოცოს ფესტივალზე.

პუჩინის ფესტივალი ტორე დელ ლაგო – მსოფლიოში ერთადერთია, რომელიც მთლიანად ეძღვნება კომპოზიტორის შემოქმედებას. ის ყოველ ზაფხულს, ივლისსა და აგვისტოში სწორედ იმ ადგილას ტარდება, სადაც მაესტროს მთავარი ოპერები დაიწერა. თბილისის ოპერის თეატრის გუნდი და ორკესტრი პუჩინის ფესტივალზე ტორე დელ ლაგო შეასრულებს მაესტროს შემდეგ ოპერებს: „მანონ ლესკო“, „ბოჰემა“, „ტოსკა“, „ტურანდოტი“. ხოლო ტალიაკოცოს ფესტივალზე თბილისის ოპერის თეატრის ორკესტრი შეასრულებს ჩაიკოვსკის N4 და N6 სიმფონიებს, პაგანინის სავიოლინო კონცერტს, ბრამსის კონცერტს ვიოლინოსა და ჩელოსათვის, ბეთჰოვენის N6 სიმფონიას, ბეთჰოვენის N3 საფორტეპიანო კონცერტს, რახმანინოვის N2 საფორტეპიანო კონცერტს, დვორჟაკის სიმფონიას „ახალი სამყაროდან“.

ოპერის მოყვარულებს საშუალება ჰქონდათ ეხილათ თბილისის ოპერისა და ბალეტის თეატრის გამორჩეული 166-ე სეზონი.თბილისის ოპერისა და ბალეტის თეატრის სამხატვრო ხელმძღვანელის, ბადრი მაისურაძის, ინიციატივით თეატრმა დაიწყო ახალი პროექტი – ახალგაზრდა შემსრულებელთა გაცვლითი პროგრამა მსოფლიოს წამყვან საოპერო თეატრებთან. პირველი გაცვლითი პროგრამა განხორციელდა ბერლინის შტაატსოპერასთან, რომელშიც მონაწილეობა მიიღეს ბერლინის და თბილისის ოპერის თეატრის სტაჟიორებმა. მათ ჩაუტარდათ მასტერკლასები, ერთობლივი კონცერტები სტაჟიორებმა გამართეს როგორც თბილისის ოპერაში, ისე ბერლინის შტაატსოპერაში.

სარეპერტურო სპექტაკლებთან ერთად გაიმართა 4 საოპერო პრემიერა: ჯუზეპე ვერდის „ტრავიატა“ (სპექტაკლის დამდგმელი დირიჟორი – ზაზა აზმაიფარაშვილი, დამდგმელი რეჟისორი – ლორან გერბერი (შვეიცარია/იტალია), სცენოგრაფი – მასიმო ბელანდო რანდონე (იტალია), კოსტიუმების მხატვარი – ესტერ მარტინი (ესპანეთი), დამდგმელი ქორეოგრაფი – ნინო ანანიაშვილი); პიეტრო მასკანის „სოფლის ღირსება“ (დამდგმელი რეჟისორი – ვიქტორ გარსია სიერა (იტალია), დამდგმელი დირიჟორი – ზაზა აზმაიფარაშვილი, სცენოგრაფი – იტალო გრასის (იტალია); ჯაკომო პუჩინის „ტურანდოტი“  (დამდგმელი რეჟისორი – ალფონსო სინიორინი (იტალია), სცენოგრაფი – კარლა ტოლომეო (იტალია), კოსტიუმების მხატვრები: ფაუსტო პულიზი და ლეილა ფტეიტა (იტალია), დამდგმელი დირიჟორი – ზაზა აზმაიფარაშვილი); ჯუზეპე ვერდი  „სიმონ ბოკანეგრა“ (სპექტაკლის დამდგმელი დირიჟორი – ზაზა აზმაიფარაშვილი, დამდგმელი რეჟისორი – ალფონსო სინიორინი (იტალია), კოსტიუმების მხატვარი – ესტერ მარტინი (ესპანეთი).

ჩატარდა დაუვიწყარი კონცერტები სახელწოდებით – „ოპერა – ფანტაზია“, რომელსაც თანამედროვეობის უდიდესი მაესტრო დანიელ ორენი დირიჟორობდა. კონცერტებზე შესრულდა ფრაგმენტები მსოფლიო საოპერო შედევრებიდან თბილისის ოპერის თეატრის გუნდის და ორკესტრის მონაწილეობით.

დაარსდა ვოკალისტთა I საერთაშორისო კონკურსი “OPERA CROWN”. კონკურსს საერთაშორისო ჟიური აფასებდა, რომლის შემადგენლობაში შედიოდნენ საოპერო ვარსკვლავები და მსოფლიოს წამყვანი საოპერო თეატრებისა და სააგენტოების ხელმძღვანელები.

სიახლეები/

|

July 11, 2018 / 5:29 pm

TOP სიახლეები

“ძალიან გგავსო მეუბნებიან” – ლელა წურწუმიამ უსიმპატიურესი დისშვილი გამოაჩინა

მომღერალი ლელა წურწუმია, ინსტაგრამზე მისი დისშვილის სანდრო წურწუმიას ფოტოს აქვეყნებს. როგორც ლელა წერს, ეუბნებიან, რომ სანდრო მას ძალიან ჰგავს. “ძაან გგავს სანდრო შენო, მეუბნებიან ♥️ (ჩემი დისშვილია) მიყვარხარ ჩემო ბიჭო ♥️ ფოტო sashaprishvin ♥️” – წერს ლელა წურწუმია ინსტაგრამზე. სანდრო ლელას დის, ხათუნა წურწუმიას შვილია. მომღერალი საზოგადოებაში მასთან ერთად ხშირად ჩნდება. როგორც ცნობილია ლელა წურ­წუ­მია […]

Facebook

რეკლამა

მსგავსი სიახლეები

„ქეთო და კოტეს“ ახალი დადგმის ქორეოგრაფი ილიკო სუხიშვილი იქნება

თბილისის ოპერისა და ბალეტის 167-ე სეზონი ხმაურიანად გაიხსნება. თეატრი ვიქტორ დოლიძის „ქეთო და კოტეს“ ახალ დადგმას წარმოგვიდგენს. წარმოდგენა27, 28, 31 ოქტომბერსა და 3, 7 ნოემბერს არის დაგეგმილი. ოპერის დამდგმელი დირიჟორია – რევაზ ტაკიძე, რეჟისორი – ივანე ხუციშვილი, სცენოგრაფი და კოსტიუმების მხატვარი – გოგი ალექსი-მესხიშვილი, ქორეოგრაფი – ილიკო სუხიშვილი. ცეკვებს ნაციონალური ბალეტის „სუხიშვილები“ მოცეკვავეები შეასრულებენ. სპექტაკლში […]

აბაის სახელობის ყაზახეთის ოპერისა და ბალეტის სახელმწიფო აკადემიური თეატრის გასტროლი საქართველოში

7 სექტემბერს, 13:00 საათზე, თბილისის ოპერისა და ბალეტის თეატრში გაიმართება პრესკონფერენცია ყაზახეთის ოპერისა და ბალეტის თეატრის საქართველოში გასტროლებთან დაკავშირებით. პრესკონფერენციას დაესწრებიან თბილისის ოპერისა და ბალეტის თეატრის სამხატვრო ხელმძღვანელი ბადრი მაისურაძე, ბალეტის ხელმძღვანელი ნინო ანანიაშვილი, აბაის სახელობის ყაზახეთის ოპერისა და ბალეტის თეატრის სამხატვრო ხელმძღვანელი ასკარ ბურიბაევი,  რეჟისორი ლაილიმ იმანგაზინა, მთავარი ბალეტმაისტერი გულჟან ტუტკიბაევა, მთავარი ქორმაისტერი ალია […]

„სიმონ ბოკანეგრა“ საქართველოში პირველად დაიდგა

10 ივნისს, თბილისის ოპერისა და ბალეტის თეატრში ჯუზეპე ვერდის ოპერის „სიმონ ბოკანეგრა“ პრემიერა გაიმართა. „სიმონ ბოკანეგრა“ საქართველოში პირველად დაიდგა. გენუის ოპერის თეატრის Carlo Felice-ს ეს დადგმა თბილისის ოპერის თეატრის მუდმივ რეპერტუარში იქნება, ხოლო მომდევნო საპრემიერო ჩვენებები 13, 16, 17 ივნისს გაიმართება. სპექტაკლის რეჟისორია – ალფონსო სინიორინი (იტალია), კოსტიუმების მხატვარი კი – ესტერ მარტინი (ესპანეთი). საპრემიერო […]

“ჩემი ბილეთი ოპერაში” და “სტუდენტური ბილეთები“ – 2 ახალი ინიციატივა ოპერისა და ბალეტის მოყვრულებისთვის

თბილისის ოპერისა და ბალეტის თეატრში 2 ახალ ინიციატივასთან - "ჩემი ბილეთი ოპერაში“- ახალ პროექტსა და "სტუდენტურ ბილეთებთან“ დაკავშირებით პრესკონფერენცია მოეწყო. პრესკონფერენცია თბილისის სახელმწიფო ოპერისა და ბალეტის თეატრის სამხატვრო ხელმძღვანელმა დავით კინწურაშვილმა და საბალეტო დასის სამხატვრო ხელმძღვანელმა ნინო ანანიაშვილმა გამართეს.

რა ფასად შეძლებენ სტუდენტები თბილისის ოპერისა და ბალეტის თეატრში სპექტაკლებზე დასწრებას?!

თბილისის ოპერისა და ბალეტის თეატრის ახალი ინიციატივა - თეატრის სამხატვრო ხელმძღვანელის, დავით კინწურაშვილის გადაწყვეტილებით, ოპერაში ამოქმედდა სტუდენტური ბილეთები, რომელიც ქვეყნის ყველა უმაღლესი სასწავლებლის სტუდენტისთვის იქნება ხელმისაწვდომი. მათთვის საოპერო და საბალეტო სპექტაკლებზე დასასწრები ბილეთების ფასი 5 და 7, ხოლო პრემიერაზე 10 ლარი იქნება.

რეკლამა