სოფო ბედია კრიტიკას პასუხობს: “გულდასაწყვეტია, რომ ჩემი კოლეგები ამ ღლიცინს აჰყვნენ…”

სოფო ბედია კრიტიკას პასუხობს: “გულდასაწყვეტია, რომ ჩემი კოლეგები ამ ღლიცინს აჰყვნენ…”

სოფო ბედიამ მისი იდეით შექმნილი ვიდეოს კრიტიკას “ფორტუნას” საიტთან უპასუხა.

ჩვენთან ინტერვიუში მომღერალი ამბობს, რომ ჰიმნი, რომელზეც გადაღებული კლიპი მაყურებელმა გუშინ იხილა, ნაუცბათევად, ბევრი ადამიანის შრომისა და გათენებული ღამეების შედეგად შეიქმნა და წუხს, რომ სიკეთე ბოროტებად შემოუტრიალდათ.

შეგახსენებთ, რომ ვიდეოში ცნობილი მომღერლები მონაწილეობენ, სიმღერა კაკი ბოლქვაძემ და ნანა ცინცაძემ დაწერეს. კლიპის რეჟისორი კი ბესო კვარაცხელიაა.

სოფო ბედია:

“ეს სიმღერა საზოგადოებას მივუძღვენით. გვინდოდა, ამ რთულ პერიოდში ადამიანებისთვის პოზიტიური, კეთილი სიმღერა მიგვეძღვნა და საზოგადოება დადებითად განგვეწყო.

კლიპის რეჟისორი ბესო კვარაცხელიაა, მაგრამ აქ რეჟისორობაზეც არ არის საუბარი, ამ მოკლე დროში რისი საშუალებაც იყო, ისე გაკეთდა. სახლში გადავიღეთ ჩვენ თვითონ კადრები, შემდეგ ბესომ შეკრიბა და დაამონტაჟა ის კადრები, რაც ტელევიზიით ყველა ჩვენგანს უნახავს, მათ შორის პატრიარქის, ჩვენი ექიმების გამოსვლები, მადლიერების ტაში და ა.შ. ძალიან მოკლე დროში, ნაუცბათევად ჩავწერეთ და გადავიღეთ. სიმღერა სტუდიაში ერთ დღეში ჩაიწერა, მეორე დღეს კი კლიპი გადავიღეთ და დავამონტაჟეთ. ორი დღე და ღამე არ გვიძინია…

ძალიან ბევრ მომღერალს დავურეკე, მხოლოდ მათ არა, ვინც ვიდეოშია… ზოგი ქალაქში არ იყო, ზოგმა სტუდიაში მოსვლას შეგნებულად აარიდა თავი, შიშის გამო, ასაკიანია თავად ან შინ ჰყავს მოხუცებული და ეს სრულიად გასაგები იყო ჩემთვის, არ მწყენია. კლიპში ის მომღერლები არიან, ვინც მოსვლა მოახერხა.

აუცილებლად მინდა აღვნიშნო, რომ ეს არის სრულიად აპოლიტიკური სიმღერა. ჩემი იდეით გაკეთდა და არანაირი პოლიტიკური სარჩული არ ჰქონია, მინდა, ეს ყველას ავუხსნა, ვინც ასეთ მოსაზრებებს გამოთქვამს.

ძალიან საწყენია ეს გამოხმაურებები. გაუგებარია, რატომ განიხილავენ იმ ნამუშევრის ხარისხს, რომელიც ორ დღეში შეიქმნა?!. რა ხარისხზეა აქ საუბარი? ოჯახში გვაქვს გადაღებული და მინდოდა, ბუნებრივი კადრები ყოფილიყო. თანაც, რომ ლაპარაკობენ, სოფო ბედია ქმარ-შვილთან ერთადააო, უკვე მიჩვეული ვარ, რომ მიშა მესხთან ვასოცირდები და მასზე გავრცელებულ ხუმრობებზე ორივეს გვეცინება, მაგრამ სხვებიც არიან ამ კლიპში ოჯახთან ერთად გადაღებულები…

მინდოდა, ჩვეულებრივი კადრები ყოფილიყო, არა გადაპრანჭული და არა აღლიცინებული.

რაც შეეხება სიმღერას, ვფიქრობ, ფანტასტიკური მელოდიაა, არანჟირებაც შესაბამისი, რაც მოსწერო ამ მოკლე დროში და ასევე ნანა ცინცაძის კომპეტენციაში, იმედია, არავის ეპარება ეჭვი…

ისე ვინერვიულე, ორი საათის წინ დავიძინე და ახლა ზარებმა გამაღვიძა. მე და კაკი ბოლქვაძე ვუყურებდით კლიპს და გაკვირვებულები ვართ, სიკეთე ბოროტებად რატომ შემოგვიტრიალდა.

სოფო, კოლეგებმაც გაგაკრიტიკეს. მათ რას უპასუხებ?

არავის დავასახელებ. არც იქ მიპასუხია, სადაც დაწერეს. გულდასაწყვეტია. ყველამ იცის, როგორი ადამიანი ვარ. თუ რამე არ მომეწონა, არ ვიტყვი, მით უმეტეს, საჯაროდ… სამწუხაროა, რომ ჩემი კოლეგები ამ ღლიცინს აჰყვნენ და არაფერი გაითვალისწინეს. უბრალოდ, ძალიან “ტეხავს”, მერე თვალებში როგორ შემოგხედავენ. წერონ და იღლიცინონ. საჭიროდ არ ჩავთვალე, გამოვხმაურებოდი.

ნინო მურღულია

სიახლეები/

|

April 10, 2020 / 12:44 pm

საკვანძო სიტყვები

TOP სიახლეები

Facebook

რეკლამა

მსგავსი სიახლეები

მიშა მესხმა გადაცემაში შეიგინა – “როგორ გამიმწარეს ჩემი ბუნჩულა ბიჭი…”

“პოს ტივიზე” ნოე ჟორჟოლიანმა საკუთარ შოუში სოფო ბედია და მისი მეუღლე, მიშა მესხი მიიწვია. საუბარი, ძირითადად, იმ კლიპის გარშემო მიმდინარეობდა, რომელიც სოფო ბედიას იდეით, კორონავირუსის წინააღმდეგ გადაიღეს. როგორც მიშა მესხმა აღნიშნა, გავრცელდა ხმა, რომ ეს კლიპი “ქართულმა ოცნებამ” დააფინანსა, რაც სიმართლეს არ შეესაბამება. მიშა მესხი: გუშინ ვუსმენდი ბატონ ნიკა გვარამიას… ცდილობდნენ, რა… ყველაზე რეიტინგული პარტია […]

“ეს არის ქურდობა” – რა პრეტენზია აქვს გენეტიკის ეროვნულ ლაბორატორიას სოფო ბედიას იდეით გადაღებულ კლიპთან

გენეტიკის ეროვნული ლაბორატორიის მენეჯერი, გიო ჩალაძე სოციალურ ქსელში ავრცელებს განცხადებას სადაც ნათქვამია, რომ სოფო ბედიას იდეით, კორონავირუსის წინააღმდეგ გადაღებულ კლიპში უნებართვოდ არის გამოყენებული მისი ლაბორატორიის კადრები. როგორც ის კომენტარებში წერს, ასეთ ადამიანებთან საქმე სასამართლოში უნდა გქონდეს. “კლიპი ვნახე. ლაბორატორიის კადრები გადაღებულია გენეტიკის ეროვნული ლაბორატორია • National Laboratory of Genetics-ში. ეს კადრები არის ჩემი გუნდის შექმნილი […]

სოფო ბედია: „შვილის დაბადებამდე გვქონდა კონფლიქტი, მაგრამ გაშორებაზე ლაპარაკი არ ყოფილა…“

სოფო ბედია საკუთარ ოჯახურ ცხოვრებაზე ჟურნალ „სარკეს“ ესაუბრება და აღნიშნავს, რომ მას და მიშა მესხს ხუთი წელი შვილი არ ჰყავდათ. „ჩემი და მიშას ქორწინებიდან ხუთი წელი ისე გავიდა, შვილი არ გვიჩნდებოდა და ძალიან განვიცდიდით. ოცნებად გვქონდა ბავშვის დაბადება. ექიმები ამბობდნენ, რომ ერთადერთი გამოსავალი ხელოვნური განაყოფიერება იყო. სიმართლე გითხრათ, მე არ ვფიქრობდი, რომ ამ ნაბიჯს გადავდგამდი… […]

როგორ გამოიყურება 6 თვის ორსული სოფო ბედია (ფოტო)

სოფო ბედია მეორე შვილზეა ფეხმძიმედ. ის და მიშა მესხი ნანატრ შვილს ელოდებიან. მომღერალმა ახლახან სოციალურ ქსელში გამოაქვეყნა ფოტო, სადაც ექვსი თვის ორსულია. ფოტოს კომენტარებში აღნიშნავენ, რომ სოფო ძალიან ლამაზი ორსულია. „ფორტუნასთან“  სამი თვის წინ ჩაწერილ ინტერვიუში მომღერალმა აღნიშნა, რომ ბუნებრივად აპირებს მშობიარობას, თუკი ყველაფერი კარგად იქნება, თუმცა ამ პროცესს მეუღლეს არ დაასწრებს. (ფოტო)

სოფო ბედია: „უხერხულია, დაბერებული მომღერლები ახალგაზრდებზე რომ იბოღმებით!..“

სოფო ბედია სოციალურ ქსელში წერს იმის შესახებ, რაც, მისი აზრით, ქართულ შოუბიზნესში ტრიალებს. მან სტატუსზე, რომელიც ახლახან გამოაქვეყნა, თავისი ძმა, ბორის ბედია მონიშნა. როგორც ჩანს, მასთან დაკავშირებით საუბრობს ხაზგასმით და აღნიშნავს, რომ ხანში შესული მომღერლები ახალგაზრდებზე იბოღმებიან. შეგახსენებთ, რომ ბორის ბედიამ ახლახან „ჩხიკვთა ქორწილში“ ყვავის პარტია შეასულა. სოფო წერს: „ძალიან უხერხულია, უკვე დაბერებული მომღერლები ახალგაზრდებზე […]

რეკლამა