ქეთი დევდარიანმა ცნობილი კინოფანდი გამოიყენა და საახალწლოდ მთელი საქართველო აატირა

ქეთი დევდარიანმა ცნობილი კინოფანდი გამოიყენა და საახალწლოდ მთელი საქართველო აატირა

„ჩემი ცოლის დაქალების“ სცენარისტმა, ქეთი დევდარიანმა სერიალის სეზონის განმავლობაში, ერთხელ მაინც, მოახერხა მთელი საქართველოს ატირება. გვახსოვს რამდენიმე განსაკუთრებით კარგი ეპიზოდი ამ სეზონიდანაც, რომელიც ნინას ავადმყოფობას უკავშირდება, მანამდეც არაერთხელ გვინახავს შესანიშნავი პერფორმანსები მსახიობებისგან, რომლებიც, რასაკვირველია, პირველ რიგში, შესაბამისი სათამაშო მასალითაა განპირობებული, რასაც სცენარისტი ქმნის…

გამომიძებელ აკაკი შუკაკიძის ამბავი სწორედ ერთ-ერთი მათგანია, თუმცა ის სხვა ეპიზოდებისგან იმით განსხვავდება, რომ მოულოდნელობის ეფექტის შექმნა, რაც სერიალებში ძალიან მნიშვნელოვანია, საუკეთესოდ, ყველა სეზონის განმავლობაში ქეთი დევდარიანს აქ გამოუვიდა.

აკაკი შუკაკიძის გმირი იდეალური გამომძიებელია იდეალური ოჯახით, ცოლითა და შვილით… კომენტარებში მაყურებელი სულ ეჭვობდა, რომ ასეთი იდეალური ცოლ-ქმრობა არ არსებობდა, თუმცა რასაკვირველია, სცენარის ასეთ განვითარებას ჩვეულებრივი მაყურებელი ვერ წარმოიდგენდა. ის, ვინც ამერიკული და ევროპული სერიალების მაყურებელია, სცენარისტებისგან სწორედ ასეთ შემობრუნებებს ელოდება. თანამედროვე სერიალებში სხვადასხვა ხაზი არასდროს ისე არ ვითარდება, როგორც ამას მაყურებელი ელის – მოლოდინებისა და მოულოდნელობების კომბინაციაზეა დაფუძნებული და ამით იზიდავს მილიონობით მაყურებელს.

„ჩემი ცოლის დაქალების“ ახალ სერიაში აკაკი შუკაკიძის ოფისის ერთ-ერთი თანამშრომელი გოგონა იგებს, რომ გამომძიებელს ცოლ-შვილი ორი წლით ადრე ავარიაში დაეღუპა, თუმცა აკაკი ყველგან ამბობს, რომ ის დაქორწინებულია და შვილი ჰყავს და მაყურებელიც ამ ხნის განმავლობაში მის ცოლ-შვილს ხედავდა. სერიის შთამბეჭდავ ფინალში აკაკი ახალ წელს ჯერ ცოლ-შვილთან ერთად აღნიშნავს და მათ საჩუქრებსაც ჩუქნის, თუმცა შემდეგ, როცა კამერა მას მიუახლოვდება და ისევ ფართო კუთხეს აჩენს, მაყურებელი ხედავს, რომ ოთახში მხოლოდ გამომძიებელი ზის… აკაკი ვერ ეგუება ოჯახის წევრების დაღუპვას და მათ აჩრდილებთან ერთად ცხოვრობს…

ქართველი მაყურებლისთვის ეს სცენარი შოკური შემობრუნება გამოდგა. სერიის დასრულების შემდეგ სოციალურ ქსელებში მხოლოდ ამაზე საუბრობენ:

„მართლაც წარმოუდგენლად იდეალური ოჯახი იყო, მაგრამ ვერ წარმოვიდგენდი, რომ ეს წარმოსახვა აღმოჩნდებოდა…“

„ყველაფერს მოველოდი ამის გარდა“

„ბრავო ჩცდ. კიდევ ერთხელ დაამტკიცეთ, რომ პირველები ხართ“

„გული მეტკინა“

„გამოდის რომ ჩვენი აკაკი სულთან განიხილავდა თავის პრობლემებს. ეს რამე ფსიქიურ პრობლემად ხომ არ ითვლება?“

„რა საშინელებაა, საწყალი აკაკი“

„ამ სერიალის სცენარის ავტორო, შენ ხარ ყველაზე აუტანელი და საძაგელი სცენარის ავტორი მსოფლიოში. ძლივს ერთი ნორმალური ოჯახი იყო სერიალში, ეს ცოლი ხომ საერთოდ ჩემთვის იდეალური ცოლი იყო და ყველაფერი ფანტაზია ყოფილა. რატომ შვილო, რატომ, რატომ, რატომ????????? ასე რამ გაგამწარაა????“

„სულ ვიცოდი, რომ ეს გოგო რაღაც უცნაურად იქცეოდა“

„კარგით რააა. მთელი ღამე აკაკი შუკაკიძე და მისი გარდაცვლილი ცოლ-შვილი მესიზმრებოდა. გავსკდი ტირილით. რას მერჩოდით? თან ყოველი მაგ წყვილის გამოჩენაზე მე და ჩემი ქმარი ჩვენს ურთიერთობას ვადარებდით მაგათ ურთიერთობას. მარტო ფილმებშია ჩვენნაირი ცოლ-ქმარიო, ვამბობდით. აჰაა! ესეც ილუზია ყოფილა. შიშისგსნ თითზე ვიკბინე დილით, ნამდვილი ხომ ვარ მეთქი“.

გუშინდელი სერიის ყურებისას უამრავი კინოპარალელის გავლება შეიძლება, თუმცა ჩვენ გაგახსენებთ ალეხანდრო ამენაბარის ცნობილ ფილმს „სხვები“, სადაც მთავარ როლს ნიკოლ კიდმანი ასრულებს. მთელი ფილმის განმავლობაში მაყურებელი დარწმუნებულია, რომ ის და მისი შვილები ცოცხლები არიან, მეტიც, თავად პერსონაჟებიც არიან ამაში დარწმუნებულნი, თუმცა ფინალში აღმოაჩენენ, რომ ისინი გარდაცვლილები არიან და სახლში, სადაც მოჩვენებებს დასდევენ, თავად არიან მოჩვენებები…

(ვიდეო)

სიახლეები/

|

January 4, 2019 / 2:30 pm

საკვანძო სიტყვები

TOP სიახლეები

მაკა ზამბახიძე მეუღლესთან ერთად ზემო ქედში ისვენებს – “სოფელი კარგია…”

მაკა ზამბახიძე, მეუღლესთან, მიხეილ ჩოხელთან ერთად სოფელ ზემო ქედში ისვენებს. მომღერალმა საკმაოდ საინტერესო ფოტოები გამოაქვეყნა, რომლის მთავარი გმირიც მისი მეუღლეა. მაკას ფოტოკოლაჟი ასევე მოიცავს ულამაზეს ყვავილებს და ლობიანებსა და პურებს, რომლებსაც იქ ყოფნის დროს უცხობენ. “სოფელი კარგია”, წერს მაკა. (ფოტოები)

ვიდეო: აჩი არველაძის თვითიზოლაცია, ცეკვა და ვარჯიში

გაინტერესებთ, როგორ ატარებს აჩი არველაძე თვითიზოლაციის დღეებს? მაშინ ეს ვიდეო თქვენთვისაა. მისი ავტორი აჩის ხილიანელ როკიდ მოიხსენიებს. აჩი არა მხოლოდ ვარჯიშობს, არამედ ცეკვავს კიდეც. ვიდეო: გიო ღუდუშაური

ზურა ხაჩიძე: “ამ ძნელბედობის ჟამს დავინახეთ, ვინ ვართ და რა შეგვიძლია ქართველებს…”

ზურა ხაჩიძემ სოციალურ ქსელში გამოაქვეყნა ვრცელი სტატუსი, სადაც აღნიშნავს, თუ რა მოიტანა კორონავირუსმა დაგვანახა, ვინ ვართ და რა შეგვიძლია ქართველებს. “მე ვფიქრობ, რომ ამ ძნელბედობის ჟამს მსოფლიოში და საქართველოში ბევრი რამე დავინახე, თუ ვინ ვართ და რა შეგვიძლია ქართველებს!!! 🇬🇪 1.დაისვენა დედამიწამ მავნე ზეგავლენებისგან,რასაც კაცობრიობა ბოლო ჟამს ნებით თუ უნებლიედ აყენებდა! 2. მოგვეცა საკუთარი თავის […]

Facebook

რეკლამა

მსგავსი სიახლეები

„ჩემი ცოლის დაქალებში“ ირინა ონაშვილი გამოჩნდა

„ჩემი ცოლის დაქალებს“ კიდევ ერთი ახალი პერსონაჟი ჰყავს. მას მოდელი და „მის საქართველო“ ირინა ონაშვილი განასახიერებს. ირინას გმირი ცოტნე ცოტაშვილის ინტერესის ობიექტს თამაშობს. ცოტნეს თავისი უფროსი, ელვირი სწორედ ირინას პერსონაჟს მიუგზავნის, რათა გაიგოს, რამდენად ღირს მისთვის სერიოზული საქმეების ჩაბარება. ეს პირველი შემთხვევა არ არის, როდესაც პოპულარულ სერიალში ცნობილი სახე აჰყავთ კონკრეტული როლისთვის. (ვიდეო)

„ჩემი ცოლის დაქალების“ გადაღებები დაიწყო

„ჩემი ცოლის დაქალები“ მალე ტელეკომპანია „ფორმულას“ ეთერში გავა. გუნდმა უკვე დაიწყო მუშაობა და გადაღებები. სოციალურ ქსელში ტელეარხის გვერდზე უკვე გავრცელდა პირველი პრომოები, სადაც ცნობილი მსახიობები გამოჩნდნენ, მათ შორის არიან ანა ტყებუჩავა, ნინო გაჩეჩილაძე, ლევან ყოჩიაშვილი, ნანუკა გულუა და სხვები. ანა ტყებუჩავამ ახალხან გამოაქვეყნა პრომოების გადაღების ამსახველი ფოტოები. როგორც ცნობილია, თავად ტელეკომპანია ეთერში პირველი ოქტომბრიდან გავა, […]

რა ხდება ჩემი ცოლის დაქალების გადასაღებ მოედანზე

ჩემი ცოლის დაქალები “რუსთავი 2”-ის ტელეეკრანს 8 მარტს დაუბრუნდება. ამის შესახებ დღეს გახდა ცნობილი და როგორც “შაბათის კურიერიდან” ირკვევა, რიგით მე-15 სეზონში მაყურებელი როგორც ახალს, ასევე ძველ პერსონაჟებსაც იხილავს. მოვლენათა ეპიცენტრში კი, რა თქმა უნდა, წინა სეზონის მთავარი ინტრიგა იქნება. აპატიებს თუ არა ზაზა ქეთის, ამ ყველაფერს მაყურებელი მე-15 სეზონში გაიგებს. მსახიობ სალომე შარვაძის თქმით, […]

როგორ უნდა სალომე შარვაძეს ქეთისა და ექიმი აჩიკოს ამბის დასრულება – „როგორ შეიძლება, ქეთი დაადანაშაულო?“

სალომე შარვაძე „ჩემი ცოლის დაქალების“ ერთ-ერთი წამყვანი პერსონაჟია ამჟამად. ყველა ელოდება, როდის გაიგებს მისი ეპრსონაჟის, ქეთის ღალატის შესახებ მეუღლე, ზაზა და რა მოჰყვება ამ ყველაფერს. თავად სალომემ ამის შესახებ გიგა აბტკუაშვილის საავტორო აგდაცემაში „ვიზიტორი“ „ფორტუნა პლუსის“ ეთერში ისაუბრა. გთავაზობთ ამონარიდს ინტერვიუდან. სალომე შარვაძე: ჩვენ ხომ წინასწარ არაფერი ვიცით. ქეთი დევდარიანი საოცარი სცენარისტია, არ არის ჩვეულებრივი ადამიანი, […]

მიდის თუ არა ანა ჩირაძე აშშ-ში საცხოვრებლად

გავრცელდა ჭორი, რომ „ჩემი ცოლის დაქალების“ ერთ-ერთი რეიტინგული პერსონაჟი, ჩიკა მალე სერიალში აღარ იქნება. მიზეზი კი ისაა, რომ ანა ჩირაძე აშშ-ში აპირებს საცხოვრებლად წასვლას. ამბობენ, რომ სწორედ ამიტომ გამოჩნდა შავლეგოსთან ახალი გმირი, გოგონა, რომელიც მას მოსწონს. ანა ჩირაძეს დავურეკეთ იმის გასარკვევად, სიმართლეა თუ არა ეს ამბავი. როგორც მსახიობმა გვითხრა, ჯერჯერობით არსად გამგზავრებას არ აპირებს – […]

რეკლამა