ნინი გოგიჩაიშვილი: „ძალიან არ მიყვარს, როცა დაშორების შემდეგ ყოფილ მეორე ნახევარზე ცუდ რაღაცებს ლაპარაკობენ…“

0
1245

„მის საქართველო“ ნინი გოგიჩაიშვილს სასტუმრო „ადამოში“ შევხვდით, სადაც ჩვენი ფოტოსესია და ინტერვიუ შედგა. ნინი ამჟამად ორ საქველმოქმედო პროექტზე მუშაობს და იმედოვნებს, რომ სპონსორები დაინტერესდებიან მისი ჩანაფიქრით, რომლითაც „მის მსოფლიოზე“ უნდა წარდგეს. როგორც თავად აღნიშნავს, ამ კონკურსზე გარეგნობა მთავარი არაა. ზოგადადაც ფიქრობს, რომ გარეგნობის შეფასება და სილამაზის აღქმა ძალიან სუბიექტური ცნებებია. სწორედ ამიტომ კრიტიკასაც უპრობლემოდ ხვდება და მათ, ვინც მას დადებითი შეფასებებით ამკობს, კიდევ ერთხელ უხდის მადლობას.

გამარჯვებიდან გარკვეული პერიოდი გავიდა. რა შეგმატა ამ ტიტულმა?

ნინი გოგიჩაიშვილი:

ხშირად აღვნიშნავ და კიდევ ერთხელ მინდა ხაზი გავუსვა იმას, რომ ამ ტიტულს დიდი პასუხისმგებლობა ახლავს თან. ძალიან ბევრი ადამიანი გაკვირდება. ქვეყნის სახეს წარმოადგენ და მოითხოვენ შენგან, რომ შემდგარი ადამიანი იყო. არ მინდა, ამ ყველაფრის ხიბლში ჩავვარდე. ამ ყოველივეს ვუყურებ დიდი პასუხისმგებლობით. რეალურად ეს არ არის მხოლოდ ლამაზი ქალის ტიტული, უნდა შეგეძლოს, საზღვრებს გარეთ შენი ქვეყანა წარმოადგინო, ისაუბრო მის ისტორიაზე და თქვა, საიდან მოდიხართ. ჩვენ გვაქვს ის პრობლემა, რომ ვიბრძვით, რუკაზე ჩვენი ადგილი რომ გავაჩინოთ. როცა ვახსენებთ, რომ ვართ ჯორჯიიდან, ჰგონიათ, რომ შტატი ვართ. „მის საქართველოზე“ გამარჯვების შემდეგ აშშ-ში, ერთ-ერთ სილამაზის კონკურსზე მიწვევა მივიღე. მათაც ეგონათ, რომ ვიყავი ამერიკის მოქალაქე და შტატ ჯორჯიაში სილამაზის კონკურსის გამარჯვებული. მათ ავუხსენი, რომ საქართველოს მოქალაქე ვარ, ეს არის ქვეყანა, თავისი დიდი ისტორიით. დემნა გვასალია ამ მხრივ ძალიან დიდ საქმეს აკეთებს და ჩვენი ნიჭიერი დიზაინერებით უფრო მეტი ადამიანი ინტერესდება.

(ვრცლად/ფოტოები)

 

LEAVE A REPLY

Please enter your comment!
Please enter your name here